Tiranë/ Akuzohet se ngacmoi seksualisht 19-vjeçaren në vendin e punës, gjykata lë në burg të riun

Gjykata e Tiranës ka vendosur arrest në burg për Marash Gjoklajn, që akuzohet për ngacmim seksual dhe kanosje. I riu që në rrethana të dyshimta sapo kishte dalë nga burgu për vepër të ngjashme penale, u arrestua këtë fundjavë, pasi u denoncua nga një 19 vjeçare me pretendimin se e kishte ngacmuar seksualisht në ambientin e saj të punës.

Në të njëjtën ditë, Gjoklaj kishte ngacmuar dhe kanosur me thikë edhe një 20 vjeçare në “Rrugën e Dibrës”. Para togave të zeza 27-vjeçari deklaroi këtë të hënë se nuk i ka kryer veprimet për të cilat akuzohet.

Policia thotë se Gjoklaj ka qenë i dënuar më parë me 4 vite burg për “Marrëdhënie seksuale me dhunë me të rritura” dhe aktualisht gëzonte lirinë me kusht. Mbeten ende të paqarta argumentet e gjykatës se mbi çfarë baze i ka dhënë të riut lirinë pavarësisht dënimit për një vepër të rëndë penale.

Ndërkohë Report Tv ka siguruar edhe videon nga momenti kur 27-vjeçari Marash Gjoklaj ka kryer veprën penale të ngacmimit seksual pranë një biznesi në Tiranë këtë fundjavë, për të cilën edhe përfundoi në pranga.

Herën e parë – thotë ajo - e ka ngacmuar me fjalë fyese, është afruar te banaku e ka kapur nga dora dhe ka tentuar ta fusë në magazinë duke e goditur. Ndërsa herën e dytë – sipas dëshmisë së shitëses - ka tentuar të abuzojë seksualisht, por e reja ka mundur të dalë në rrugë, pasi është përleshur me të dhe të kërkojë ndihmë nga kalimtarët.

Marash Gjoklaj rezulton se në 2017-ën, ka tentuar të grabisë me thikë edhe një 42 vjeçare në Durrës. Por si pasojë e ndërhyrjes së djalit të qytetares, Marash Gjoklaj  u mor peng dhe më pas u dhunua fizikisht nga 3 persona në bodrumin e një pallati.

Rendit zhvillimet sipas orarit:
Ora 13:26
U la në burg nga gjykata, dalin pamjet kur 27-vjeçari ngacmon seksualisht vajzën në vendin e punës

Report Tv ka siguruar pamjet nga momenti kur i riu Marash Gjoklaj i cili u la në burg në akuzën e ngacmimit seksual, ngacmon seksualisht një shitëse dyqani në rrugën e Dibrës.

I riu ka hyrë në dyqan dhe i është drejtuar shitëses me fjalët: Do ta provosh pak k*** dhe më pas i ka drejtuar dorën!

Në deklarimin e saj kjo shtetase shton se ajo nuk e njeh këtë person dhe nuk e ka parë kurrë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hajri: 03/12/2023 22:06

    Ky duhet tredhur perpara pastaj ne birucw

    Përgjigju
  • Sondazhi i ditës:

    Amnistia do votohet në Kuvend, a duhen falur protestuesit e opozitës?



×

Lajmi i fundit

Amnisti për zyrtarë të korruptuar? Manja i përgjigjet Bardhit: Gënjeshtar, u bashkove me Nokën dhe ‘fluturuat’ të vërtetat në drejtim të paditur

Amnisti për zyrtarë të korruptuar? Manja i përgjigjet Bardhit: Gënjeshtar, u bashkove me Nokën dhe ‘fluturuat’ të vërtetat në drejtim të paditur