POP 5

Lajmet më të lexuara të 5 minutave të fundit

Bota

Akuzoi presidentin amerikan Biden dhe djalin e tij për korrupsion, ish-informatori i FBI-së pranon se ishte kontaktuar nga agjentët rusë 007

Jo vetëm që kishte gënjyer për korrupsionin e pretenduar të Hunter Biden, nga kompania ukrainase e energjisë Burisma, por e kishte bërë bazuar në informacionin e marrë nga agjentët e inteligjencës ruse, të cilët donin të njollosnin babanë e tij Joe dhe familjen e tij.

Nju Jork -  Jo vetëm që kishte gënjyer për korrupsionin e pretenduar të Hunter Biden, nga kompania ukrainase e energjisë Burisma, por e kishte bërë bazuar në informacionin e marrë nga agjentët e inteligjencës ruse, të cilët donin të njollosnin babanë e tij Joe dhe familjen e tij.

Ndikimi i Moskës në zgjedhjet presidenciale
Rrëfimi i Alexander Smirnov, i zbuluar nga CNN, premton të ndikojë jo vetëm në akuzat ndaj djalit të kreut të Shtëpisë së Bardhë, por në të gjithë fushatën presidenciale në vazhdim. Do të konfirmonte se Moska u përpoq të ndikojë në zgjedhjet e 2020 në favor të Trump dhe me sa duket është gati ta bëjë këtë përsëri, pavarësisht se Vladimir Putin tallet me botën duke thënë se ai do të preferonte të shmangte kthimin e Donald.

Çfarë ndodhi?
Alexander Smirnov është ish-informatori i FBI-së i akuzuar se ka gënjyer për marrëdhëniet e Biden në Ukrainë dhe interesat e tyre ekonomike. Ndërsa tani u ka thënë hetuesve se zyrtarë të inteligjencës ruse kanë qenë të përfshirë në dhënien e informacionit. Kjo u zbulua të martën e 20 shkurtit nga Prokurorët në një deklaratë gjyqësore.

Smirnov rrëfeu se kishte kontakte "të gjera dhe jashtëzakonisht të ngushta" me agjentët 007 në Moskë. Jo vetëm kaq, por këta ishin njerëz që ai pretendonte se ishin oficerë të nivelit të lartë ose komandonin vrasës rusë jashtë vendit.

Prokurori special David Weiss tha se “Smirnov pranoi se zyrtarët e inteligjencës ruse ishin të përfshirë në përhapjen e historive për biznesmenin 1”, përkatësisht Hunter Biden. Zbulimi është i rëndësishëm jo vetëm sepse avokatët e djalit të presidentit po e përdorin tashmë atë për të kundërshtuar aktakuzën e tij, por edhe sepse konfirmon vullnetin politik të Kremlinit për të ndërhyrë në procesin demokratik amerikan, duke diskredituar një drejtues të Shtëpisë së Bardhë.  Dhe nëse kjo ndodhi në vitin 2020, nuk ka asnjë arsye për të besuar se Putini nuk do të provojë më këtë vit. /Repubblica/ 

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

VIDEO/ 'Më mirë Gjini se Pjerini'! Rithemelimi, këngë për Gjin Gjonin (VIDEO)

VIDEO/ 'Më mirë Gjini se Pjerini'! Rithemelimi, këngë për Gjin Gjonin (VIDEO)

27 Prill, 14:16