Në Gjykatën Themelore të Mitrovicës e cila vepron në Vushtrri, dyshohej se ishte vendosur  një bombë, megjithatë burime të sigurta të KosovaPress-it kanë thënë se Polici ka konstatuar se në këtë objekt nuk ka mjet shpërthyes.

Policia e Kosovës ka marrë një informatë anonime, sipas të cilës në objektin e gjykatës në Vushtrri është vendosur një bombë. Më të marrë informatën njësitë e veçanta të policisë kanë dalë në vend të ngjarjes dhe kanë siguruar perimetrin e nevojshme për kontrollimin e objektin.

Megjithatë, më vonë është konstatuar se në këtë objekt nuk ka mjet shpërthyes, kurse punëtorët janë kthyer në vendet e punës./Kosovapress/