Autoritetet franceze u alarmuan nga informacionet për kërcënime të njëkohshme për vendosjen e një bombe në gjashtë aeroporte. Sipas informacioneve të para, aeroportet e Lille, Nice, Lion, Toulouse, Nantes dhe Beauvais janë evakuuar.
Siç raporton Le Monde, mesazhet elektronike (e-mail) u dërguan në të gjashtë aeroportet në të cilat kishte një referencë për një "kërcënim sulmi". Pasagjerët brenda aeroporteve u urdhëruan të evakuoheshin, ndërsa ata në aeroplan u udhëzuan të qëndrojnë në pozicionet e tyre.
Vihet re se ditët e mëparshme ka pasur telefonata kërcënuese për bomba në muze dhe monumente në Francë.
![](https://shqiptarja.com/template/img/NO_ALFA_Kuadrate shqiptarja.png)
Franca është në gjendjen më të lartë të gatishmërisë pas vrasjes më 13 tetor të një mësuesi në një sulm të dyshuar islamik. Të martën, Pallati i Versajës, një nga vendet kryesore turistike të Francës, u mbyll për disa orë, për shkak të kërcënimeve për bombë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)