Në përpjekjet për t’i shpëtuar autoriteteve ligjzbatuese grupet kriminale po bëhen gjithmonë e më të sofistikuara në përdorimin e teknologjisë në funksion të realizimit të qëllimit kriminal.
Pas nuk qëndrojnë edhe trafikantët e drogës, të cilët për gjurmimin e sasive të mëdha të kokainës, e cila kryesisht vjen nga vendet e Amerikës Latine, kanë përshtatur objekte teknologjikë, të përdorimit të përditshëm. Bëhet fjalë për gjurmues me “Bluetooth” që çdokush mund t’i ketë në përdorim për gjurmimin e sendeve personale si “AirTag” apo “SmartTag”, të cilat nuk kushtojnë më shumë se 30 euro.
Ato zakonisht lidhen pas një send me vlerë si çelësa, çanta, brenda në makinë dhe gjëra të tjera, e në rast humbje, gjurmimi bëhet përmes celularit në distanca që shkojnë deri në 10 metra. Kjo distancë është e mjaftueshme për të kërkuar jo vetën çantën, por edhe kokainën në rastet e trafikantëve.
Alarmi i përdorimit të tyre për efekte kriminale është dhënë nga EUROPOL, sipas të cilit, këto pajisje janë konstatuar në mënyrë të shtuar pas zbulimit të ngarkesave me drogë në kontejner në vitet e fundit.
Por, si funksionon skema e përdorimit të tyre në rastet e kokainës?
Një pajisje e tillë, e cila më herët është lidhur me celular vendoset pranë kokainës në vendin e origjinës ku niset në vendet latine, kryesisht Ekuador, Kolumbi, Brazil e më gjerë. Ngarkesa ‘udhëton’ drejt destinacionit final në Evropë me anijet e mallrave, kryesisht me banane, por jo vetëm. Pas mbërritjes në Evropë, në një nga portet tradicional ku më shumë kalohet kokainë, që mund të jetë në Spanjë, Holandë, Britani e Madhe, Belgjikë, por pse jo edhe në Portin e Durrësit në vendin tonë, pritësit e kokainës, me celularin në dorë afrohen te kontejnerët dhe fare thjesht bëhet gjurmimi, celulari jep sinjalin e gjetjes.
Kjo u jep mundësinë atyre të mos lënë shenja në kontejner, por të kontrollojnë gjithçka falë teknologjisë. EUROPOL ka kërkuar nga të gjitha vendet partnere që këto pajisje të trajtohen seriozisht dhe të mos neglizhohen në asnjë rast.
Komente
Lajme të tjera
-
Sherr me thika mes shqiptarëve në Itali, dyshohet se ishin trafikantë droge! Njëri tentoi të arratisej duke u hedhur në ujë, dy të tjerët e kapën dhe e plagosën
25 Qershor 2022, 22:39 -
Drogë me postë nga Shqipëria në Finlandë, kush është shqiptari që merrte pakot me kanabis! Grupi kriminal trafikoi 700 mijë euro mall brenda 1 muaj
23 Prill 2022, 19:15 -
Kapen mbi 1 ton kokainë në Malin e Zi, droga e ndarë në pako ku shkruhej 'COVID'! Skema që Policia i futi në kurth trafikantët
27 Gusht 2021, 11:56 -
Brazil,'Hello Kitty' e bandës së drogës qëllohet për vdekje nga policia bashkë me babanë krye-trafikant
19 Korrik 2021, 17:02
Nuk duhet te neglizhohet nje situate e tille!
PërgjigjuKjo ne foto eshte AirTag - Apple Nuk eshte 100% e sakte per kte pune, Duhet te jene GPS profesional qe detektojne dhe tregojne sakte harten, Drogen dhe kontenierin qe duan konkretisht! Po te jete montuar airtag, mund ta gjej kushdo, seshte e sigurte Mjafton ta vendose I Phone ne "searching Items" E Gjen nqs dikush te ka vene pergjues te tille ben sinja direkt..
Përgjigju