Al-Bagdadi, Pentagoni publikon imazhet e para të sulmit që vranë liderin e ISIS (VIDEO)

Pentagoni publikon pamjet e para të sulmit që çoi në vrasjen e liderit të Isis, Abu Bakr al-Bagdadi.

Videoja e shpërndarë në Twitter nga Us Central Command tregon forcat amerikane që i afrohen kompleksit ku qëndronte i fshehur al-Bagdadi.

Në video shihet që nga 'dy lokacione afër kompleksit, luftëtarë të ISIS hapin zjarr ndaj njërit prej avionëve amerikanë që marrin pjesë në bastisje," tha gjenerali Frank McKenzie, kreu i Komandës Qendrore të SHBA.

Në imazhe tregohen pjesë të kompleksit para dhe pas sulmit amerikan në tunelet ku fshihej lideri terrorist.

"Kur kapja e al Bagdadi ishte shumë afër, lideri i ISIS shpërtheu një bombë dhe vrau veten dhe dy fëmijë," tha McKenzie, duke përsëritur dinamikën që tashmë ishte ilustruar nga Presidenti Trump në deklaratën e tij të dielën më 27 Tetor. 

McKenzie gjithashtu tha që analiza e ADN-së konfirmoi "përtej dyshimit" se njeriu që vdiq në sulm është Abu Bakr al-Bagdadi.

Ai tha gjithashtu,me një siguri maksimale, se nuk ka asnjë dyshim se mbetjet e trupit ishin të al Bagdadit .

Komandanti i Komandës Qendrore të SHBA, gjeneral McKenzie, tha që ADN-ja e përdorur për të konfirmuar identitetin e al-Bagdadi ishte krahasuar me atë që ishte mbledhur gjatë ndalimit të tij në kampi Bucca, në Irak.

Lidhur me varrosjen e liderit të ISIS, gjenerali konfirmoi se "ai u varros në det në përputhje me ligjin e konflikteve të armatosura brenda 24 orëve nga vdekja e tij".

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Kam lindur në Athinë, por jam patriot i atdheut tim': Mario Mitaj: Populli rus i thjeshtë dhe miqësor

'Kam lindur në Athinë, por jam patriot i atdheut tim': Mario Mitaj: Populli rus i thjeshtë dhe miqësor