Albërije Hadërgjonaj flet për ish-bashkëshortin: Nuk doja ta shikoja me sy

Albërije Hadërgjonaj ka folur si rrallë herë për marrëdhënien me ish-bashkëshortin, me të cilin u martua në një moshë shumë të re.

Gjatë një interviste të dhënë në Top Albania Radio, Hadërgjonaj u shpreh se të martohesh në moshë të re jo gjithmonë është e shëndetshme.

“Martesa në moshë të re nuk është gjithmonë e shëndetshme. Në kohën time, ishte një mentalitet i prapambetur, por sot vajzat duhet të bëjnë kujdes me vendimet e tyre. Nuk doja ta shikoja me sy për një kohë të gjatë, por tani jemi mirë, secili ka jetën e vetë dhe jam e lumtur për të”, tha Albërie.

LEXO EDHE:
Rrjeti revoltohet me Albano Bogdon pas deklaratës për Beatrix dhe Alban Ramosajn! Albërie Hadërgjonaj e kërcënon me Kodin Penal (VIDEO)

Ndërsa pyetjes se përse nuk është martuar artistja tha se gabimi bëhet vetëm një herë.

“E bën një herë një gabim, jo dy. Kam mësuar që lumturia vjen nga brenda dhe askush nuk mund të ta japë atë nëse nuk je mirë me veten”, shtoi ajo.

Duke u ndalur dhe eksperiencën e saj me mëmësinë, Albërija pranoi se ka qenë një nënë shumë e përkushtuar, ndonjëherë edhe më shumë sesa ç’duhej.

“Jeta vazhdon dhe lumturia ime është të shoh vajzat e mia të suksesshme dhe të lumtura”, thekson ajo.

Xh.K/Shqiptarja.com

TAG:
• alberie hadergjonaj