Albian Ajeti akuzon FSHF: S’më kontaktoi kurrë për kombëtaren

Prej muajsh etiketohet si “tradhtar”, se ka zgjedhur Zvicrën para Shqipërisë. Por Albian Ajeti pretendon se FSHF nuk është ulur asnjëherë direkt në tavolinën e bisedimeve me të, për të folur rreth mundësisë që ai të veshë fanellën kuqezi, siç është vepruar me shumë talente të tjera në Europë.

Vëllai i Arlind Ajetit, i cili është pajisur me pasaportën shqiptare që tre vite më pare, shihej si një përforcim potencial i kuqezinjve, por duke folur për mediat zvicerane, ka shpjeguar se si nuk ka pasur asnjëherë kontakte direkte me të.

Golashënuesi Albian Ajeti ka potencial për t’u përmirësuar në funksion të klubit dhe kombëtares zvicerane. Edhe pse ka shënuar këtë sezon 14 gola në Superligën Zvicerane, ai tregon se kurrë nuk është i kënaqur me veten e tij. Sulmuesi me pasaportë shqiptare, vëllai i Arlind Ajetit, kërkon të përmirësohet akoma më shumë.

LEXO EDHE:
Firma e munguar për rinovimin, Sylvinhon e duan në Portugali para Euro 2024

Golat e shënuar dhe paraqitja e bërë me Bazelin e ka përfshirë Albian Ajetin në listën e 35 lojtarëve të kombëtares zvicerane. Kjo përbën lumturi për futbollistin, i cili është pritur të luante edhe në kombëtaren shqiptare. Por ai akuzon direkt FSHF-në, teksa thotë: 

Unë qëllimisht e mbajta gjithçka hapur. A jam kontaktuar nga Shqipëria?
Kurrë, direkt. Më pyetën përmes vëllain tim, më pyetën se çfarë kam ndërmend të bëj me ekipet kombëtare. Por kjo nuk llogaritet për mua, kjo nuk është një shenjë e qartë.

Albian Ajetin, futbollist

Në muajin mars Panucci pati deklaruar se kishte kontaktuar me Albianin dhe ky i fundit i ka thënë se ka bërë zgjedhjen e tij dhe do të luante për Zvicrën.

TAG:
• albian ajeti
• fshf
• kombetarja shqiptare

Sondazhi i ditës:

A duhet prokurorëve të SPAK-ut t'u jepet e drejta e rikandidimit?

• Po

  61.8%

• Jo

  31.3%

• Nuk e di

  6.9%

Vota total: 217

• Sondazhi i ditës:

  A duhet prokurorëve të SPAK-ut t'u jepet e drejta e rikandidimit?

  Po Jo Nuk e di