Albin Kurti, kreu i lëvizjes Vetëvendosje nuk do të jetë kandidat në zgjedhjet e 14 Shkurtit, është ky vendimi i Gjykatës Supreme të Kosovës. Nga pesë ankesat e subjekteve politike, dy prej tyre janë pranuar pjesërisht. Në vendimin e Supremes thuhet se kandidatët për deputetë, Liburn Aliu dhe Labinotë Demi Murtezi, duhet të përfshihen në listën e kandidatëve për deputetë.
“Gjykata Supreme e Kosovës e ka pranuar pjesërisht ankesën e LVV-së, për Liburn Aliun dhe Labinotë Demi Murtezin, pasi që është konstatuar se PZAP ka bërë vlerësim të gabuar të afatit 3 vjeçar duke e llogaritur ditën e shpalljes së zgjedhjeve me datë 6 janar 2021 si ditë përfundimtare për të vlerësuar afatin 3 vjeçar për përshtatshmërinë e kandidatëve, në kuptim të dispozitës të theksuar. Gjykata Supreme e Kosovës ka vlerësuar se afati 3 vjeçar duhet të llogaritet duke ju referuar datës së aktgjykimit penal të formës së prerë për secilin kandidat veç e veç e deri në ditën e mbajtjes së zgjedhjeve, që në këtë rast është data 14 shkurt 2021, ”thuhet në vendim.
Në vendimin e Gjykatës është konsideruar e pabazë ankesa e Vetëvendosjes për kreun e saj Albin Kurti dhe dy kandidatët e saj Albulena Haxhiu dhe Bajram Mavriqi nuk do të jenë në gjendje të kandidojnë, pasi në Shtator të 2018, kreu i Vetëvendosjes ka marrë një dënim të formës së prerë dhe në bazë të Kushtetutës së vendit çdo person për të cilin ka një vendim të formës së prerë tre vitet e fundit nuk ka mundësi të kandidojë.
Në vendimin e panelit zgjedhor u deklarua se 5 kandidatë për deputetë të Vetëvendosjen nuk mund të kandidonin në zgjedhjet e 14 Shkurtit, pasi në tre vitet e fundit ndaj tyre kishte një dënim të formës së prerë. Subjektet politike kanë dërguar ankesa në Supreme dhe ajo kishte 72 orë kohë për të deklaruar vendimin e saj. Në vendimin e gjykatës është njoftuar po ashtu edhe refuzimi i kërkesës së AAK-së, Partisë së Ashkalinjëve për Integrim ajo e Nova Demokratska Stranka (NDS) dhe ajo e Nismës.
Albin Kurti është dënuar për hedhjen e gazit lotsjellës në ambientet e Kuvendit. Gjykata i shpalli fajtorë katër deputetët: Albin Kurti, Donika Kadaj-Bujupi, Faton Topalli dhe Albulena Haxhiu. Kurti u dënua me 1 vjet e 3 muaj burg, për pengim të personit zyrtar me 6 muaj burg.
Presidentja në detyrë e Kosovës, Vjosa Osmani ka reaguar pas vendimit të Gjykatës Supreme për moslejimin e kandidimit të Albin Kurtit në zgjedhjet e parakohshme.
Përmes një mesazhi në Facebook, Osmani shkruan se vota ka dy funksione për të ndëshkuar një model qeverisës ose për të hapur një kapitull të ri politik.
Sipas saj, me kurajo e guxim Albin Kurti do të zgjidhet kryeministër më 14 shkurt.
“Në historinë e popujve vota ka dy funksione: për ta ndëshkuar një model qeverisës dhe për ta hapur një kapitull të ri politik. Kthesat politike kërkojnë kurajo dhe guxim. Më 14 shkurt me kurajo dhe guxim, e me vullnetin tuaj, Albin Kurti do të jetë kryeministër” – shkruan Osmani.
Lideri i Lëvizjes Vetëvendosje, Albin Kurti ka reaguar pas vendimit të Gjykatës Supreme për përjashtimin e tij nga lista e deputetëve për zgjedhjet e 14 shkurtit në Kosovë.
Kurti gjatë një vizite ditën e sotme në Prizren, tha se ende nuk e ka parë vendimin e Gjykatës Supreme, për përjashtimin e tij dhe shtoi se pasi ta shohë atë do ta analizojë dhe do të ndërmarri hapat e mëtejshme.
“Secili prej duhet ta mbështet listën e VV-së. Neve na duhen 61 deputetë. Të votohet masivisht ashtu siç ka aplikuar mërgata jonë. Më 14 shkurt le ta bëjmë festë të VV-së. Unë nuk e kam parë atë vendim, kur të vjen në zyrën e LVV-së, e trajtojmë dhe e analizojmë se çfarë hapa do të ndërmarrim më tutje, që të ankohemi nëse është kështu”, ka thënë Kurti.
Në vendimin e Gjykatës Supreme thuhet se kandidatët për deputetë, Liburn Aliu dhe Labinotë Demi Murtezi, duhet të përfshihen në listën e kandidatëve për deputetë. Ndërkaq, është refuzuar pjesërisht e pabazuar ankesa e LVV-së, duke vërtetuar vendimin e PZAP-së, duke lënë kështu jashtë liste liderin e VV-së, Albin Kurtin.
Komente
Lajme të tjera
-
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
-
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Qeveria e Kosovës, bonus 100 euro për pensionistët dhe për fëmijët deri në moshën 16 vjeç
22 Dhjetor, 12:30 -
Starlink në Kosovë, Kurti: Hap i rëndësishëm në avancimin e infrastrukturës dixhitale
22 Dhjetor, 10:49 -
Spahiu: Të gjitha partitë opozitare në Kosovë janë afruar më shumë me Shqipërinë sesa Vetëvendosja!
21 Dhjetor, 16:44 -
Qeverisje me duar jo edhe aq të pastra në Kosovë
21 Dhjetor, 16:04
-
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
Veton Surroi: Fjalimi që kryeministri i Kosovës nuk duhet ta mbajë në Tiranë më 2025
20 Dhjetor, 20:29
-
Prokuroria Speciale e thërret për herë të dytë kryeministrin Albin Kurti për dëshmi
20 Dhjetor, 15:31 -
Rama e Kurti shkëmbejnë mesazh me letër në Kuvendin e Prishtinës, 6 minuta takim kokë më kokë! Report Tv zbulon çfarë ndodhi pas kamerave
20 Dhjetor, 13:47
Kur degjon cka flasin "pretendentet" e shtetit dhe qeverise se Kosoves.vertet shqetesohesh thelle ne cfare niveli dhe ne duar te ku jt ka mbetur shteti dhe popu lli i kesaj hapesire shqiptare.Kur ata qe mendojne te drejt ojne kete shtet,nuk perfillin Kushtetute e ligj te ketij shteti.Kush duhej te rregulloje e drejtoje proceset "demokratike"e raportet shoqerore!!!
PërgjigjuZ Albin kurti eshte njeriu i duhur per Kosoven e popullin e Kosoves,eshte momenti dhe koha e duhur qe LVV me Z osmani marrin ne dore fatet per te ardhmen e popullit.Me te drejte Albini thote referendumi i 14 shkurtit vendos,ndahemi nji here e pergjithmone nga e keqja.Populli i kosoves tani me eshte i bindur,nga pislliqet e pa fundme te tacit,ises e shefit veseli,kosovarte do ti largojne nji here e pergjithmone kta nga politika.
PërgjigjuKa folur Ilir Meta i Kosovës. Mblidhni mëndjen të bëni shtet e jo shantazhe ndaj ligjit. Ti e di që nuk je presidente, ti kthen pllakën nga fryn era.
Përgjigju