POP 5

Lajmet më të lexuara të 5 minutave të fundit

Ekonomi

Albpetrol, Braçe: Përgjegjësia
e qeverisë Berisha

Pas deklaratave të ministrit të Ekonomisë Nasip Naço se qeveria nuk është në gjendje të zbulojë vërtetësinë e bilanceve financiare të kompanive koncensionare të naftës, deputeti socialist Erjon Braçe ka reaguar, duke e akuzuar kreun e METE-s për mashtrim.
Albpetrol, Braçe: Përgjegjësia <br />e qeverisë Berisha
Pas deklaratave të ministrit të Ekonomisë Nasip Naço se qeveria nuk është në gjendje të zbulojë vërtetësinë e bilanceve financiare të kompanive koncensionare të naftës, deputeti socialist Erjon Braçe ka reaguar, duke e akuzuar kreun e METE-s për mashtrim. Ministri i Ekonomisë Nasip Naço ka pranuar që përfitimet e Shqipërisë nga nafta janë zero lekë, por, për këtë, ka akuzuar opozitën, edhe pse, prej tetë vitesh, sektorin e menaxhon qeveria e Sali Berishës. Kjo nuk është e vërtetë, tha Braçe në rrjetin social Facebook.

Sipas tij, sot, në fuqi janë katër marrëveshje hidrokarbure. Për një vendburim, atë të Patos-Marinzës, ka vendosur qeveria e Fatos Nanos, e, më pas, qeveria Berisha e ka zgjeruar atë marrëveshje dy vite më parë. Për 6 vendburime, ndër më cilësoret që ka Shqipëria në naftë e gaz, me tri marrëveshje, kanë vendosur Sali Berisha dhe Ilir Meta. Më tej, në vitin 2006 kompanisë koncensionare Saxon i janë kaluar 107 puse për shfrytëzim, ndërkohë që aktualisht janë mbi 1.000 puse që ka dhënë qeveria Berisha me planin e zhvillimit të miratuar nga METE. Plani i zhvillimit të kompanisë Stream Oil nuk është miratuar nga ndonjë institucion. Përkundrazi, oponenca akademike dhe Agjencia e Burimeve Natyrore e kanë rrëzuar. Ministri Prifti nuk e ka miratuar. Plani i zhvillimit për pesë vendburimet më të mira në naftë e gaz të Shqipërisë ka hyrë në fuqi "në heshtje". Ky është skandal, për të cilin duhet mbajtur përgjegjësi penale, argumenton Braçe.

Ndërkohë, lidhur me mospagimin e tatimfitimit nga këto kompani, gjë, për të cilën ministri i Ekonomisë e ka hedhur fajin tek opozita, deputeti i opozitës thekson se organet fiskale në periudhën më fitimprurëse për kompanitë i ka në vartësi qeveria Berisha. Sipas tij, fiskalizimi i sektorit të naftës e gazit është përcaktuar me dekret presidencial nga Sali Berisha në vitin 1994. Në të thuhet se norma e tatimfitimit në këtë sektor është 50%. Në nenin 2 të tij thuhet se, për efekt të llogaritjes së tatimfitimit, kompanive u zbriten investimet kapitale, shpenzimet operative dhe administrative, etj. Nuk thuhet kund se ç'është "etj", por duket qartë që ka qenë një thes i hapur. Po në këtë nen, urdhërohet që detajet e shpenzimeve të zbritshme të përcaktohen në marrëveshje hidrokarbure dhe miratohen nga ministri. Por, sipas Braçes, përgjegjësia më e madhe është tani, katër vitet e fundit.
(sg/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Spahiu: Altin Dumani me daljen në media sfidoi hapur presionet politike dhe mediatike! Ka fituar besimin e publikut dhe kanë qenë të suksesshëm

Spahiu: Altin Dumani me daljen në media sfidoi hapur presionet politike dhe mediatike! Ka fituar besimin e publikut dhe kanë qenë të suksesshëm

24 Nëntor, 17:37