POP 5

Lajmet më të lexuara të 5 minutave të fundit

Ekonomi

Albpetrol, në 4 vjet fitimi
i blerësit 81 mln euro

Konsulentë amerikanë të Patton Boggsit, të angazhuar nga qeveria shqiptare për të përgatitur privazitimin e Albpetrolit, kanë përgatitur raportin e vlerësimit të aseteve, sipas të cilit vlera e kompanisë së naftës është 322 milionë euro. Kjo është sa katër vjet fitime të realizuara nga ky subjekt.
Grupi amerikan i konsulentëve nga kompania Patton Boggs, i pajtuar nga qeveria shqiptare për të mbikëqyrur procesin e privatizimit të shoqërisë së naftës me pronar shtetin Albpetrol, vlerëson se asetet që ka në dispozicion ky subjekt llogariten në 322 milionë euro. Kjo është një shifër që, me sa duket, qeveria do ta nxjerrë si çmim-dysheme në procesin e tenderimit ndërkombëtar për shqitjen e 100 për qind të aksioneve të saj, bëjnë të ditur për Shqiptarja.com zyrtarë të ministrisë së Ekonomisë, Tregtisë dhe Energjetikës. Kjo është një shifër shumë më e ulët, edhe nga vetë vlerësimet e mëparshme nga të njejtët ekspertë për kompaninë në fjalë, që janë bërë më parë. Konsulenti ndërkombëtar Patton Boggs është shprehur më 2010 shprehej se Albpetroli vlente 497 milionë USD dhe më pas shifra u korrigjua në ulje, në 420 milionë dollarë, pra 322 milionë euro. Por, vetëm në një vit, të paktën zyrtarisht, është deklaruar që fitimi i kompanisë së naftës ka qenë I tillë, që do të mjaftonin katër vite për të kthyer shpenzimin e bërë për blerjen e kompanisë. Më 2012, viti i fundit për të cilin Tatimet kanë
regjistrime të deklaratave mbi fitimet e kompanive, Albpetroli ka deklaruar një fitim në masën 11 miliardë lekë, ose 81 milionë euro me kursin aktual. Pra, edhe pa shfrytëzuar intensivisht, me metoda të reja, naftën e nëntokës shqiptare, kompania që do të blinte Albpetrolin do të kishte fitime kolosale.

(Shkrimin e plotë mund ta lexoni në numrin e sotëm të gazetës Shqiptarja.com)

(aq/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Jini të hapur për të eksploruar ndjenja të reja...çfarë thonë yjet për ju sot

Jini të hapur për të eksploruar ndjenja të reja...çfarë thonë yjet për ju sot

11 Janar, 07:10