Aleatët e PD: Zgjedhjet lokale, në 
vjeshtë vendosim për koalicionin

TIRANE- Aleatët e PD pritet që në vjeshtë të vendosin për koalicionin me të cilin do të hyjnë në zgjedhjet vendore të vitit të ardhshëm. Duke paralajmëruar në këtë mënyrë ndryshime serioze në hartën politike të së djathtës, por dhe duke paralajmëruar ndryshime dhe në koalicionin e majtë që tashmë është në pushtet. Kreu i Partisë Demokristiane Nard Ndoka, është shprehur se tashmë duhet të mendohet për skema të reja politike për mbijetesën e partive të ashtuquajtura të vogla, pasi me ndarjen e re territoriale këto parti rrezikojnë të shuhen duke mos fituar asgjë.