Alibeaj u kërkon gazetarëve të pyesin Berishën ku i gjen paratë për fushatën: Vetëm për stadiumin i duhen 50 mijë euro! Ne do dalim derë më derë

 

Në konferencën për media ku ka prezantuar strategjinë e fushatës për zgjedhjet e 14 majit, Enkelejd Alibeaj ka sulmuar Edi Ramën dhe Sali Berishën për paratë që përdorin. Për Ramën thotë se shpërdorin paratë e buxhetit të shtetit ndërsa për Berishën i kërkon gazetarëve ta pyesin ku i gjen paratë për mitingjet.

“Fushata e Ramës është me shpërdorime masive parash të buxhetit të shtetit. Llogarisni atë që e pretendon si shtesë të pensioneve. I gënjen me nga një karamele vetëm në funksion të zgjedhjeve, po shpenzon para për aktivistin, për rritjen e pagave e del sikur po mbjell pemë. Pyeteni Berishën, ku gjenden paratë. Në dijeninë time vetëm për të marrë stadiumin duhen 50 mijë euro. Jo vetëm atë por të gjithë sallat e tjera. Pyeteni si e paguan selinë e zaptuar të PD.

LEXO EDHE:
Strategjia e gabuar e dhunës dhe e frikës vazhdon të tkurrë opozitën e të dizbalancojë Shqipërinë

Ne do u flasim njerëzve. Do flasim në mënyrë të vërtetë e do japim ide dhe zgjidhje që janë të matshme, konkrete, s’janë magji e hipokrizi, janë të shkuara dhe do ua çojmë shqiptarëve derë më derë me cdo lloj mjeti duke u dhënë dorën. Kemi 1 vit e pak që jemi në fushatë. Gjithçka ka ndodhur deri tani me PD është fushata”, tha Alibeaj.

Lajmi kryesor:

‘Vendoret’/ Prezantohet slogani i PD: Frymëmarrje për Shqipërinë! Bejko-demokratëve: Më votoni se jam i djathtë, mos u hutoni nga ata që strehohen te Meta

/r.k./Shqiptarja.com

TAG:
• Roland Bejko
• PD
• zgjedhjet vendore 2023
• enkelejd alibeaj