Alibeaj në bisedime me PS për emrin e Presidentit të ri, Minarolli: Është i pamandatuar, zero efekt për PD-në

Komisioni i Rithemelimit të Partisë Demokratike ka reaguar pas lajmit se në Kryesinë e Kuvendit u zhvilluan sot bisedime mes Enkelejd Alibeajt dhe grupit të PS për Presidentin e ri. Anëtari i Komisionit të Rithemelimit, Ervin Minarolli shkruan në emër të PD-së së Alibeaj është i pamandatuar dhe negociatat kanë zero efekt për PD-në.

“Partia Demokratike, dënon me ashpërsinë më të madhe lojën me opozitë të emëruar të Edi Ramës si një lojë e turpshme, antidemokratike dhe destabilizuese.

PD denoncon takimin e Enkelejd Alibej me trojkën Balla - Gjiknuri - Spiropali për përzgjedhjen e Presidentit të Republikës.

Me këtë rast, Partia Demokratike thekson se Enkelejd Alibejaj nuk ka asnjë mandat, as nga Partia Demokratike, e as nga kryesia e grupit dhe grupi i saj parlamentar për të marrë pjesë dhe përfaqësuar ata në negociatat me përfaqësuesit e Edi Ramës.

Takimi i Alibeajt është me zero efekt për Partinë Demokratike dhe grupin e saj parlamentar. Ai ka shkuar në takim i përzgjedhur haptas nga Taulant Balla.

Së fundi, Partia Demokratike deklaron se qëndrimi i kësaj Partie dhe grupit të saj parlamentar në lidhje me këtë çështje do të vendoset vetëm nga forumet më të larta të saj.  Në çdo rast, ky qëndrim do të jetë ai i një opozite të  vërtetë. Deputetët e saj nuk do votojnë kurrë për President kandidatë të Edi Ramës apo të kulisave të tij të gatuar me opozitë të emëruar”, ka shkruar Minarolli, i cili më pas fshiu postimin. 

Lajmi kryesor:

Presidenti i ri, negociata PS-PD? Alibeaj shihet në ambientet e Kryesisë së Kuvendit ku ishte edhe grupi negociator socialist! Reagon deputeti: Nuk ka pasur bisedime

K.T./Shqiptarja.com

TAG:
• Kuvendi i Shqiperise
• enkelejd alibeaj
• taulant balla
• zgjedhja e presidentit te ri