TIRANË- Partia Demokratike dhe Partia Socialiste duket se kanë nisur negociatat për emrin e Presidentit të ri të vendit, por jo zyrtarisht. Ilir Metës i mbaron mandati më 24 korrik, por procedurat për zgjedhjen e kreut të ri të shtetit duhet të nisin brenda datës 24 maj. Gazetari i Report Tv, Ermal Qori raporton se kryetari i grupit parlamentar të Partisë Demokratike Enkelejd Alibeaj pasur bisedime informale sot në Kryesinë e Kuvendit me grupin negociator të PS-së, Taulant Balla, Elisa Spiropali dhe Damian Gjiknuri.
Megjithatë vetë Alibeaj ka mohuar një lajm të tillë në një mesazh për kolegët e tij. Ai thotë se mënyra se si është organizuar veprimtaria e grupit parlamemtar të PD, për çdo çështje të axhendës parlamentare apo organizative, gjithçka është e mbetet kompetencë e mbledhjes së grupit parlamentar.
Për këtë lajm ka reaguar fillimisht edhe Ervin Minarolli i Komisionit të Rithemelimit të Partisë Demokratike i cili pasi shkroi se Alibeaj është i pamandatuar e fshiu postimin.
Ilir Meta do të jetë në krye të Presidencës deri më 24 korrik 2022, ndërsa Kuvendi duhet të nis procesin e zgjedhjes së tij jo më vonë se 24 maji 2022 sipas Kushtetutës. Partia Socialiste e cila ka edhe mazhorancën e parlamentit ka ngritur grupin e punës që do të zhvillojë konsultimet me grupet e tjera e parlamentare në Kuvend, për të përzgjedhur një emër konsensual. PS ka mandatuar Taulant Ballën, Elisa Spiropalin dhe Damian Gjiknurin për procesin e zgjedhjes së presidentit të ri të vendit, ndërsa Balla tha se ky proces ndodh brenda Kuvendit të Shqipërisë dhe dëshira e socialistëve është për konsultim e dialog nga të gjitha palët. Këto deklarata Balla i bëri pas mbledhjes së grupit parlamentar.
Raundet dhe procedura si zgjidhet Presidenti i ri, kërkohen 84 vota por mjaftojnë edhe 71
Sipas Kushtetutës procesi i zgjedhjes së Presidentit të Republikës në Kuvend nis jo më vonë se 60 ditë para mbarimit të mandatit të Presidentit aktual. Domethënë në rastin konkret procedura duhet të nisë para datës 24 maj.
Pas përcaktimit të datës së raundit të parë në zbatim të nenit 87 të Kushtetutës së Republikës së Shqipërisë, një grup me jo më pak se 20 deputetë ka të drejtën t’i propozojë Kuvendit kandidaturën për President të Republikës së Shqipërisë. Një deputet nuk mund të propozojë më shumë se 1 kandidat për Presidenti. Kushtetuta e Shqipërisë parashikon që raundi konsiderohet i bërë edhe nëse nuk paraqitet asnjë kandidat. Pra opozita nuk e bllokon procesin as me mos pjesëmarrjen e saj në seancë, që do ta bënte të pamundur plotësimin e kuorumit në 3 raundet e para, 84 vota.
Në mënyrë më të hollësishme, neni 87 i Kushtetutës dhe neni 109 i Rregullores së Kuvendit, parashikojnë rregullat mbi procedurën e zhvillimit të raundeve të votimit si edhe shumicën e kërkuar në secilin prej raundeve. Kushtetuta përcakton se janë pesë raunde për zgjidhjen e Presidentit. Në tre raundet e para kërkohet një shumicë prej 3/5, 84 vota, ndërsa në dy e tjera, të katërtin dhe të pestin, presidenti mund të zgjidhet me 71 vota. Raundet nga njëri tjetri duhet të zhvillohet brenda 7 ditëve, që do të thotë se Presidenti i ri i Republikës në muajin maj do të jetë votuar nga Kuvendi.
Votimi për secilin raund bëhet i fshehtë dhe pa debate. Votimi quhet i kryer edhe kur në Kuvend nuk paraqitet asnjë kandidaturë. Tashmë priten emrat e kandidatëve për Presidentin e ri të vendit.
Komisioni i Rithemelimit të Partisë Demokratike ka reaguar pas lajmit se në Kryesinë e Kuvendit u zhvilluan sot bisedime mes Enkelejd Alibeajt dhe grupit të PS për Presidentin e ri. Anëtari i Komisionit të Rithemelimit, Ervin Minarolli shkruan në emër të PD-së së Alibeaj është i pamandatuar dhe negociatat kanë zero efekt për PD-në.
“Partia Demokratike, dënon me ashpërsinë më të madhe lojën me opozitë të emëruar të Edi Ramës si një lojë e turpshme, antidemokratike dhe destabilizuese.
PD denoncon takimin e Enkelejd Alibej me trojkën Balla - Gjiknuri - Spiropali për përzgjedhjen e Presidentit të Republikës.
Me këtë rast, Partia Demokratike thekson se Enkelejd Alibejaj nuk ka asnjë mandat, as nga Partia Demokratike, e as nga kryesia e grupit dhe grupi i saj parlamentar për të marrë pjesë dhe përfaqësuar ata në negociatat me përfaqësuesit e Edi Ramës.
Takimi i Alibeajt është me zero efekt për Partinë Demokratike dhe grupin e saj parlamentar. Ai ka shkuar në takim i përzgjedhur haptas nga Taulant Balla.
Së fundi, Partia Demokratike deklaron se qëndrimi i kësaj Partie dhe grupit të saj parlamentar në lidhje me këtë çështje do të vendoset vetëm nga forumet më të larta të saj. Në çdo rast, ky qëndrim do të jetë ai i një opozite të vërtetë. Deputetët e saj nuk do votojnë kurrë për President kandidatë të Edi Ramës apo të kulisave të tij të gatuar me opozitë të emëruar”, ka shkruar Minarolli, i cili më pas fshiu postimin.
Komente
Lajme të tjera
-
Përkujtohet Dita Ndërkombëtare e Shërbimit Zjarrfikës, Balla: Kemi hyrë në fazë transformimi të thellë, duhet të krijohet edhe shërbimi vullnetar zjarrfikës
4 Maj, 12:01 -
Ceremoni rivarrimi për 5 Dëshmorë të Atdheut, Balla: Policia të shtojë përpjekjet për të fituar besimin e publikut
3 Maj, 18:00 -
P/ligj ‘për gjendjen civile’ për të shtuar shërbimet online: Detyrim, deklarimi i vendbanimit dhe vendqëndrimit! Balla: Nxit regjistrimin e emigrantëve
3 Maj, 17:20 -
I njoftoi Balla, Shqiptarja.com mëson EMRAT e shqiptarëve të arrestuar në Itali dhe Spanjë! Një i dënuar për vrasje tjetri për grabitje
2 Maj, 13:16
-
Interpelanca/ Salianji: Policia në shërbim të krimit, zbardhni zhdukjen e Martinajt! Ministri Balla: Drejtorët e policive do kenë mandat 3-4 vjeçar, lufta kundër krimit prioritet
2 Maj, 11:32 -
Protesta e Rithemelimit, Balla: Fraksioni i Berishës duhet të kuptojë që koha kur sulmoheshin institucionet ka mbaruar! Prokuroria të japë ndëshkim të merituar
2 Maj, 09:46 -
Më 1 korrik rriten pagat për policët! Balla: Do jetë e lartë! Së shpejti e-wallet, kartat e identitetit dhe patentat jo në portofol por në telefon
2 Maj, 09:41 -
'Riintegrim në tregun e punës së emigrantëve', Balla zbulon paketën e qeverisë: Synojmë të rrisim ofertën për vëllezërit dhe motrat që të kthehen në atdhe
2 Maj, 09:38 -
Një muaj pasi u zgjodh nga Kuvendi, Ndriçim Xhepa jep dorëheqjen si anëtar i Këshillit Drejtues të RTSH
1 Maj, 22:09 -
Amnistia/ Përfituan 100 subjekte të GJKKO, 40 të dënuarve iu fal dënimi, 60 të tjerëve iu ul! Mes tyre 16 zyrtarë dhe 7 gjyqtarë të dënuar për korrupsion
1 Maj, 19:47 -
U amnistuan 100 të korruptuar? PD kërkon interpelancë me Manjan: U përbetuat se nuk përfitonin të dënuarit nga GJKKO
1 Maj, 17:58 -
Nesër Kuvend/ Opozita interpelancë me dy ministra! Balla raporton për 'krimin', Manastirliu për rezultatet e PISA
1 Maj, 13:31
Aman vereni kurven alibeaj president ose dumen ose salihanjin mos haroni dashnoren e Rames bashen palacon e cirkut.
PërgjigjuPresidenti i zgjedhur nga populli do jete nje fitore e popullit qe voton. Ndersa nje president i propozuar dhe dakorduar midis partishe eshte fitore e partive politike qe e kane çuar vendin e popullin buze gremines e humneres,varferise se skajshme totale.
PërgjigjuPresidenti nuk duhet te jete i partive politike duhet te zgjidhet nga populli.
PërgjigjuNese vertete doni nje intelektual nga te paktet qe kane mbetur zgjidhni per president njerin nga keto 2 figura. Aurel Plasarin Perparim Kabo
PërgjigjuO Bob, dashke prape Ilir Meten, nuk ndodh.
Dakord me Gripin poshte. Plasari eshte me plot kuptimin e fjales <Koke Shkence> dhe si i tille, nuk ka pse perzihet me balten e Tiranes. I sherben Shqiperise me shume te shkenca, sesa te presidenca. Kabo ka qene pjese e llumit, ka ne pronesi planetin majmun dhe rrethohet nga mafioze. Kesaj i thone hiq nje like, ver nje rike. Per rolin ceremonial qe kryen presidenti, le te vene me mire nje femer te paperlyer me pare ne politike dhe hajd shnet. Fundja, aty do jete thjesht per kukull.
Po ky plasari nuk vjen nga nomenklatura e kuqe??? apo ky eshte i mire se e ka ndrru shpejt xhaketen,
Kabo eshte deliramt qe i pelqen vetja,prandaj karrikja e presidentit do e demtonte akoma me shume. Plasari eshte koke e madhe dhe Rama nuk pranon njeri mbi veten. Do gjejne ndonje ne ndonje restorant paceje si Moisiun.
Perparim Kabo