POP 5

Lajmet më të lexuara të 5 minutave të fundit

Politikë

Alibeaj prezanton kandidaten për Fierin: Vula na takon neve, Berisha të pranojë vendimin

Si Enkelejd Alibeaj, ashtu edhe Sali Berisha janë të bindur se gjykata e Apelit do të vendosë në favor të tyre më 3 mars. Duke prezantuar kandidaten për kryetare bashkie në Fier, Alibeaj i bëri thirrje kundërshtarit brenda partisë të pranojë vendimin, ndërsa për Berishën, asnjë gjykatë nuk del kundër verdiktit të demokratëve

I bindur se më 3 mars, Gjykata do të rrëzojë vendimin e Agron Zhukrit dhe do t’i japë përfundimisht të drejtën e vulës në Partinë Demokratike, Enkelejd Alibeaj u ndal në Fier për të prezantuar emrin me të cilin do t’i dalë përballë Berishës e Ramës më 14 maj. PD e Alibeajt ka prezantuar Eriselda Zotaj Çelaj që të përfaqësojë demokratët në këtë përballje elektorale për Fierin.

‘Është një zonjë e nderuar e cila ka qenë gjatë gjithë kohës në PD. Që ka kontribuar gjithmonë e që nuk ka marrë as vlerësim si dhe shumë të tjerë që me të drejtë duhet ta kishte marrë shumë kohë më parë.’- tha Alibeaj.

Kreu i grupit parlamentar, të cilit Lulzim Basha i la në dorë drejtimin e partisë pas dorëheqjes, e shfrytëzoi takimin për t’i kërkuar Sali Berishës ta pranojë vendimin e 3 marsit.

‘Çështja e vulës nuk është vetëm çështje siglash, por është çështje ndarjes së mentalitetit e mentaliteti mes nesh është ndarë. Kush është këtu tek ne është tek ne. Bazohet tek e drejta bazohet tek e vërteta kush nuk është këtu tek ne ka marrë arratinë për të qenë së bashku me të majtën dhe të vërtetën’- tha Alibeaj.

Nga ana tjetër, edhe Berisha insiston që vula do t’i kalojë përfundimisht atij, me argumentin se s’ka gjykatë që nuk pranon verdiktin e demokratëve. Nga selia blu, ai mohoi që protesta, e thirrur të njëjtën ditë kur Apeli jep vendimin, të jetë formë presioni ndaj Gjykatës.

‘Kam deklaruar se protesta është kundër Edi Ramës kundër vjedhjeve të tmerrshme që ai u bën shqiptarëve.’- u shpreh Berisha.

Pavarësisht vendimit që do të japë gjykata, kreu i Rithemelimit Sali Berisha është i vendosur për të protestuar kundër qeverisjes së Edi Rama, që sipas tijin, po e çon vendin drejt shkatërrimit.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

'Kuptimi i drejtësisë', ‘Elektroshok’ nga profesor Ardian Ndreca

'Kuptimi i drejtësisë', ‘Elektroshok’ nga profesor Ardian Ndreca

10 Janar, 22:13 nga Ardian Ndreca