Alina Peregudova, atletja 14 vjeçare që mbeti e vrarë nga sulmet ruse

Alina është atletja 14-vjeçare që është vrarë nga sulmet ruse në Mariupol së bashku me nënën e saj.

Alina fitoi medalje të artë në kampionatin kombëtar të peshëngritjes së Ukrainës dhe ishte kandidate për kombëtaren e Ukrainës, teksa aspironte të përfaqësonte vendin e saj në nivelin më të lartë.

"Sportistja premtuese nga rajoni i Donjeckut vdiq nga predhat e armikut së bashku me nënën e saj”, shkruan këshilli i qytetit të Mariupol në Telegram teksa publikon dhe foton e 14 vjeçares.

Alina ishte një nxënëse në Kolegjin Rajonal të Specializuar Profesional të Sporteve në Donetsk dhe në Kolegjin e Rezervës Olimpik Serhiy Bubka.

 "Është e vështirë të gjesh fjalë për të përcjellë ngushëllimet e mia më të thella për të gjithë ata që njohën të humburit, është shprehur Departamenti i Kulturës Fizike dhe Sporteve të Ukrainës.

Lajmi kryesor:

Lufta/ Zelensky: Zbulohet një varr masiv me 900 trupa në Kiev! Pentagoni: Nesër mbërrijnë në Ukrainë armët e reja! Lavrov: Negociatat ngecën për shkak të pandershmërisë së Kievit

K.T./Shqiptarja.com

TAG:
• lufta ne ukraine
• Rusi
• ukraine