Alma Deutcher, 11-vjeçarja që nuk 
do ta krahasojnë me Moxartin

Pjesa më e madhe e fëmijëve në moshën e saj do ta refuzonin një ftesë për në opera, por ky nuk është rasti i Alma Deutcher. 11-vjeçarja e talentuar ishte vetëm 3-vjeçe kur mori violinën në duar, ndërkohë që tashmë po përgatitet për premierën e operës së saj të parë në Vjenë.

Kompozimi që Alma do të luajë në Vjenë nuk është i pari për të, ajo e ka shkruar operën e saj të parë ‘’The Sweeper of Dreams’’  në vitin 2012, kur ishte vetëm 7 vjeçe.  Vajza e talentuar nuk është vetëm një kompozitore, por ka aftësi të jashtëzakonshme edhe në piano e violinë.

Në një intervistë për Radio BBC Alma është shprehur se idetë fluturojnë në kokën e saj kur zgjohet, sapo ulet për të fjetur, apo edhe në mesin e natës, krejt papritur. Më herët gjatë këtij viti pasi shkruajti operën ‘’Cinderella’’ Alma u deklarua si kompozitorja më e re britanike që ka nënshkruar kontratë me një kompani.

E pyetur nga gazetarja sesi ndihet pasi është si një Moxart i vogël ajo tha: ''Nëse do isha si Moxarti do të ishte pak e mërzitshme sepse do të kompozoja pikërisht atë që ka bërë Moxarti më parë, unë preferoj të jem një Almë e vogël''.



Redaksia Online
Al.N/Shqiptarja.com