POP 5

Lajmet më të lexuara të 5 minutave të fundit

Sociale

AMA monitorim mediave shqiptare për mënyrën se si po informojnë për luftën në Ukrainë, u tërheq vëmendje dy televizioneve

Autoriteti për Mediat Audiovizive në vendin tonë po kryen një monitorim të mediave, për mënyrën sesi informojnë për luftën në Ukrainë, e cila prej 9 ditësh është sulmuar nga Rusia

AMA monitorim mediave shqiptare për mënyrën se si po informojnë për luftën në Ukrainë, u tërheq vëmendje dy televizioneve

TIRANË- Autoriteti për Mediat Audiovizive në vendin tonë po kryen një monitorim të mediave, për mënyrën sesi informojnë për luftën në Ukrainë, e cila prej 9 ditësh është sulmuar nga Rusia. AMA thotë se nga monitorimi i kryer janë shqyrtuar edhe përmbajtje të papërshtatshme të pabazuara në fakte, pa tolerancë dhe që reflektojnë ngarkesa nostaligjike e glorifikuese kundër promovimit të vlerave demokratike, të gjithë pranuara nga vendet evropiane perëndimore dhe demokracitë përparimtare. Jo më larg se tre ditë më parë, AMA ka dërguar një tërheqje vëmendje për televizionin ‘MCN’ , pasi nuk ka respektuar kërkesat ligjore dhe një televizioni tjetër.

‘Nevoja për pluralizëm mendimesh, për t’i emetuar shikuesve diversitet pikëpamjesh dhe analizash, nuk mund të përligji shfrytëzimin e hapësirës publike të transmetimit për avokatura të individëve, subjekteve apo institucioneve që mbështesin ushtrimin e dhunës dhe armiqësinë mes popujve, apo për t’u bërë pjesë e fushatave dizinformuese dhe keqinformuese.’- njofton AMA.

Në lidhje me këtë çështje, AMA po bashkëpunon dhe është në sinkron dhe me partnerët ndërkombëtarë.

Njoftimi i plotë

AMA po ndjek me shumë vëmendje aktualitetin e zhvillimeve dramatike të shkaktuara nga agresioni rus në Ukrainë, temë që po trajtohet në të gjitha formatet e informimit dhe analizës nga OSHMA-të. Ne vlerësojmë maksimalisht angazhimin profesional dhe të përgjegjshëm të redaksive audiovizive në mbulimin e ngjarjeve, duke ofruar për ndjekësit e programeve lajme, intervista, komente dhe forume diskutimi mes ekspertëve dhe njohësve të fushës, në trajtimin e kësaj çështje të nxehtë në skenën ndërkombëtare, për efektet dhe pasojat, si dhe perspektivën e afërt dhe të largët të këtyre zhvillimeve.

Gjatë procesit të monitorimit, por dhe bazuar në ankesat që mbërrijnë në AMA janë shqyrtuar dhe përmbajtje të papërshtatshme, të pabazuara në fakte, pa tolerancë dhe që reflektojnë ngarkesa nostalgjike, glorifikuese kundër promovimit të vlerave demokratike të gjithëpranuara nga vendet evropiane perëndimore dhe demokracitë përparimtare. AMA dërgoi një tërheqje vëmendjeje për një OSHMA para tri ditëve, që nuk ka respektuar kërkesat ligjore, ndërkohë, edhe dje për një tjetër rast. Procesi monitorues dhe shqyrtimi i ankesave vijon, bazuar në kërkesat e ligjit 97/2013 “Për mediat audiovizive në Republikën e Shqipërisë”, i ndryshuar.

Nevoja për pluralizëm mendimesh, për t’i emetuar shikuesve diversitet pikëpamjesh dhe analizash, nuk mund të përligji shfrytëzimin e hapësirës publike të transmetimit për avokatura të individëve, subjekteve apo institucioneve që mbështesin ushtrimin e dhunës dhe armiqësinë mes popujve, apo për t’u bërë pjesë e fushatave dizinformuese dhe keqinformuese.

AMA po bashkëpunon dhe është në sinkron dhe me partnerët ndërkombëtarë. Në deklaratën e fundit zyrtare të Grupit Evropian të Rregullatorëve për Shërbimet e Medias Audiovizive (ERGA), përmendej angazhimi për të qëndruar të bashkuar dhe të gatshëm për të kontribuar në efektivitetin e sanksioneve të reja ekonomike të BE-së ndaj mediave ruse të kontrolluara nga shteti, duke vijuar punën ngushtësisht me Komisionin Evropian.

“Për më tepër, anëtarët e ERGA do të vazhdojnë më tej punën e tyre për dezinformimin, duke përfshirë edhe dezinformimin në lidhje me agresionin aktual të Rusisë në Ukrainë” – thuhet mes të tjerave në deklaratën ERGA, lëshuar më 2 mars 2022.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Maks: 04/03/2022 19:46

    Me pak fjal informacioni esht me sens unik Dmth duhet te flas si te komandon amerika jo si eshte e verteta

    Përgjigju
  • Eni: 04/03/2022 13:45

    Me pak fjale duhet te flasin vetem pro Natos dhe vendeve perendimore se ne qofte se mediat tregojne te verteten atehere eshte ne kundershtim me te ashtuquajturen demokraci dhe liri ! Duhet nje revolucion boteror qe te zhduken njehere e mire diktatoret e botes me Ameriken ne krye

    Përgjigju
    • E vertetet.: 04/03/2022 19:03

      Plotesisht dakort.Degjojme vetem propagand si ne kohen e komunizit dhe SHBA po na tregon vetem perralla per intrresin e tyre

    • moderni: 04/03/2022 15:38

      Po ca, te bejn propagand pro-ruse? shqiperia esht vend i natos dhe interesat e veta i rrezikohen direkt nga rusia, edhe para luftes ne Ukraine. E pe ca ben ruset ne mal te zi? Lufta e informacionit esht e rendesishme, kshu qe mos nck

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça