TIRANË- Në krah të Bashkisë së Tiranës, për të ndihmuar familjet e prekura nga pasojat e tërmetit që preku kryeqytetin një javë më parë, kanë dalë edhe përfaqësitë diplomatike të akredituara në vendin tonë. Ndër të parat që po jep ndihmën e saj është Ambasada e Kuvajtit, e cila ka sjellë ndihma elektro-shtëpiake, ushqime e veshje për familjet e prekura nga tërmeti.
Kryetari i Bashkisë së Tiranës, Erion Veliaj dhe ambasadori i Kuvajtit në Tiranë, Fayez Mishari Al-Jassim, morën pjesë në shpërndarjen e ndihmave të para për banorët.
Duke theksuar se kjo sfidë përballohet më mirë kur në krah ke miq donatorë, kryebashkiaku Veliaj shtoi se përpos ndihmave për nevojat bazë, Ambasada e Kuvajtit ka ofruar ndihmë edhe për rindërtimin e shtëpive.
“Kemi sot tre trailerat e parë; një përgjigje e menjëhershme e Ambasadës së Kuvajtit, popullit kuvajtjan, qeverisë kuvajtiane. Na kanë sjellë nevojat bazë të emergjencës si batanije dhe ushqime, teksa jemi duke ndërtuar shtëpitë e dëmtuara. Ambasada e Kuvajtit na ka ndihmuar edhe për pjesën pas ndërtimit të shtëpive, pra përveç se do ndërtojmë disa shtëpi bashkë, kemi marrë edhe elektro-shtëpiaket, lavatriçe, frigoriferë, shumë pajisje, që disa prej këtyre familjeve, që janë me ndihmë ekonomike, as nuk i kanë pasur ndonjëherë, me shtëpi të ndërtuara në vitet ‘50-’60 me mjete rrethanore, me gurë, baltë, kashtë e kallamishte”, tha Veliaj.
Ai shprehu edhe nevojat që kanë bashkitë për pajisje dhe mjete efikase në përballimin e situatave të emergjencës, si në raste tërmetesh, përmbytje, apo zjarri.
“Mbaj mend vitin ‘91, kur u pushtua Kuvajti. Shqipëria ishte vendi i parë i cili jo vetëm njohu qeverinë e Kuvajtit, por e dënoi atë sulm dhe fatkeqësi që i ndodhi popullit kuvajtjan. Ja si vjen historia! Sot kemi ne nevojë dhe Kuvajti në fakt, ishte i pari që na ndihmoi. Shpresoj shumë që edhe shumë ambasada të tjera, të cilave u kemi kërkuar ndihmë, të na japin një dorë. Ditët dhe javët e para kemi nevojë për ndihmë konkrete, sa të rimëkëmben shtëpitë, dhe më pas edhe për një ndihmë afatgjatë. Kemi nevojë shumë për zjarrfikëse, për bote, për shkallë, që janë kryesisht proceset kryesore të evaukimit, zjarrfikëse-shkallë, për të shpëtuar njerëzit, dhe zjarrfikëse bote, kryesisht për të përdorur motopompën e tyre të ujit, kur kemi raste përmbytjesh, siç ndodhi kësaj here”, u shpreh kryebashkiaku i Tiranës.
Ambasadori i Kuvajtit, Fayez Mishari Al- Jassim, tha se kjo është dërgesa e parë e ndihmave për familjet e prekura nga tërmeti, duke shtuar se të tjera ndihma do të ketë në ditët në vijim.
“Kjo është vetëm ngarkesa e parë, një dhuratë, disa batanije, lavatriçe, frigoriferë. Do të ketë edhe një ngarkesë tjetër në ditët vijim, që do të përmbajë mes të tjerave produkte të “real estate”, si edhe kuti të ndihmës së parë”, tha ai. Ambasadori shprehu gatishmërinë që bashkë me OJF-të kuvajtiane të kontribuojnë edhe për sisteme lokale (pompa uji në rrugë) kundra zjarrit, si edhe makina zjarrfikëse.
Lajme të tjera
-
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00 -
Veliaj i ftuar në Akademinë Politike të PS: Puna dhe reputacioni që lëmë pas, kontribut dhe vlerë për vendin
9 Nëntor, 14:00 -
Veliaj vizitë dy ditore në Aleksandri: Tirana, simboli i bashkëjetesës Mesdhetare të Kulturës dhe Dialogut
8 Nëntor, 18:50 -
Më 28 nëntor mbahet në Tiranë parada kuqezi, Veliaj thirrje shqiptarëve: Eja festojmë në zemër të qytetit me këngët nga çdo trevë shqiptare
6 Nëntor, 16:13 -
Veliaj thirrje qytetarëve: Ta kthejmë nëntorin në një muaj feste, valëvisni flamurin kudo ku ka shqiptarë (VIDEO)
5 Nëntor, 12:12
