Ambasadore në OSBE, mbesa
e Haxhi Lleshit, pritet dekretimi
Ravesa Lleshi është kandidatja e përzgjedhur nga qeveria për të zëvëndësuar Spiro Koçin si ambassador në OSBE. Lleshi këshilltarja e ministrit të jashtëm Ditmir Bushati, 2 vitet e fundit, është kundërshtuar nga opozita në komsionin e jashtëm ku po raportonte.
TIRANE- Spiro Koçin pritet të zëvendësohet në detyrën e tij si ambasador në OSBE, nga Ravesa Lleshi, aktualisht këshilltare e ministrit të jashtëm Ditmir Bushati. Propozimi i ministrit është miratuar nga kryeministri i vendit Edi Rama, dhe i është kaluar për dijeni Komisionit të Jashtëm dhe për dekretim Presidentit të Republikës. Ravesa Lleshi është vajza e Ismail Lleshit, ish-ministër i mbrojtjes në qeverinë socialiste, në vitin 2000 dhe mbesa e Haxhi Lleshit, kryetar i Presidiumit të Kuvendit Popullor prej 1 gusht 1953 deri më 21 nëntor 1982.
Por anëtarët e opozitës nuk e kanë përmendur në këtë komisionin lidhjen e saj me funksionarët komunistë, por kanë kritikuar faktin se ajo vjen nga shërbimi jo diplomatik. "CV-ja e saj është një CV e pasur por jo me përvojë në fushën e diplomacisë. Kjo është diplomaci e organizatave ndërkombëtare siç është OSBE-ja kërkoj përvojë dhe ju nuk e keni këtë përvojë dhe unë do mendoja që do ishte e udhës për ministrin që të vazhdonte traditën e ambasadorëve të karrierës."-thotë Bumçi.
Kandidatja u mbrojt me argumentin se ajo nuk është e para që vjen nga jashtë shërbimit. "OSBE-ja e do rasti që të jetë nga ato vende ku nuk ka pasur gjithmonë përfaqësim me ambasadorë nga karriera diplomatike. Mund t’ju kujtoj paraardhësin e ambasadorit Koci, ambasadorin Galanxhi nuk ishte një diplomat karriere”,-u përgjigj Lleshi. Ambasadori ynë në OSBE, prej muajsh ka shërbyer si pikpërplasje mes presidentit dhe shefit të diplomacisë Bushati. Kandidatura e Lleshit për të zëvendësuar Spiro Koçin,i është përcjellë kreut të shtetit që në shkurt të këtij viti.
Pas refuzimit të presidentit Nishani në shtator, Ministria e Jashtme nëpërmjet një shkresë urdhëron Spiro Koçin të kthehet në Tiranë. Presidenti reagoi se po i cenohen kompetencat por në nëntor dekretoi lirimin e tij nga detyra. "Mënyra se si u tërhoq ambasadori, në mënyrën më të turpshme ju tha që do kthehesh edhe pa ç’dekretim sepse përndryshe do i ndërpritej rroga dhe çdo mbështetje tjetër financiare. Kjo detyroi ambasadorin të largohej nga OSBE-ja pa takimet e radhës, pa takimet e kortezisë.
Nëse ju do dekretoheni do shkoni në një organizatë ku ne sot nuk gëzojmë asnjë reputacion, shikohemi si një vend qesharak dhe kjo vetëm për fajin e ministrit tonë të jashtëm. Sot kemi më pak ambasadorë karriere seç kishim, kur do të ndodhte e kundërta",- tha Aldo Bumçi. Kryetarja e Komisionit të Jashtëm e ka kritikuar opozitën për bojkotin disa mujor të parlamentit.
"Ka shkuar tek Visho Ajazi. Ka strukturë më të rëndësishme se Visho Ajazi?! Zotëri po të ishe kaq i merakosur për ligjin nuk e bojkotoje parlamentin edhe votoje kundra ashtu sikurse votuam edhe ne të tjerët që s’ishim dakord me ligjin",-tha Dade. Brenda një muaji presidenti duhet të dekretojë kandidaturën e Lleshit dhe të Ermal Muçës si ambasador në Kanada. Ky i fundit mban gradën diplomatike si ministër-këshilltar dhe vjen nga një karrierë disa vjeçare brenda këtij shërbimi diplomatik.
Redaksia online
(S.m/shqiptarja.com)
Sondazhi i ditës:
Tragjedia në Shkodër, a duhet gratë të denoncojnë çdo formë dhune?
-
Po
91.4%
-
Jo
4.9%
-
Nuk e di
3.8%
Vota total: 3376
Lajme të tjera
-
Celibashi diskuton me përfaqësues të ODIHR për auditimin e teknologjive në zgjedhje: Vendosëm piketat për bashkëpunim të ngushtë teknik
13 Prill, 19:27
-
Prezenca e OSBE-së organizon vizitë në Suedi për gazetarët shqiptarë, për të përmirësuar raportimin për çështjet e sigurisë
13 Prill, 14:03
-
Ambasadorët e QUINT-it në OSBE vizitë në Shqipëri: Përmbushni rekomandimet e ODIHR për reformën zgjedhore
19 Mars, 17:52
-
Gjiknuri dhe Alibeaj takohen me përfaqësuesit e ODIHR-it, dakordësim për mënyrën e hartimit të drafteve ligjore për ndryshime në Kodin Zgjedhor
4 Mars, 17:30
-
OSBE trajnon qentë…
2 Mars, 18:06
-
Celibashi takon kryetaren e misionit të OSBE-së: Zhvilluan një bisedë të thelluar mbi Reformën Zgjedhore në Shqipëri
16 Shkurt, 15:34
-
Sot Dita Ndërkombëtare Përkujtimore e Holokaustit, ish-ambasadori i OSBE: Si i shpëtuan shqiptarët hebrenjtë nga nazistët
27 Janar, 08:59
-
Një ditë para mbledhjes së komisionit për 'Zgjedhoren', OSBE apel deputetëve: Kontribuoni për një proces parlamentar funksional
18 Janar, 16:50
-
Reforma Zgjedhore/ Pas Gjiknurit dhe Alibeajt, shefja e misionit të OSBE-së takohet sot me Bardhin
17 Janar, 10:37
-
PS dhe PD u dakordësuan për mbledhjen e komisionit bipartizan për Reformën Zgjedhore, OSBE: Mirëpresim rifillimin e punës!
16 Janar, 17:02
-
Zgjedhjet parlamentare në Serbi, PPE kundërshton debatin: Nevojitet raporti i OSBE/ODIHR
12 Janar, 17:16
-
Reforma Zgjedhore, OSBE: Mezi presim të angazhohemi me të gjithë aktorët që të arrijmë synimet e përbashkëta për zgjedhjet e ardhshme
11 Janar, 15:35