Ambasadori britanik takohet me Ramën: Mbështesim Shqipërinë për Reformën në Drejtësi dhe përpjekjet kundër korrupsionit

Ambasadori britanik takohet me Ramën: Mbështesim Shqipërinë për Reformën në Drejtësi dhe përpjekjet kundër korrupsionit

Kryeministri Edi Rama dhe ambasadori britanik Alastair King-Smith

TIRANË- Ambasadori i Britanisë së Madhe në Tiranë, Alastair King-Smith u takua sot me kryeministrin Edi Rama. Nëpërmjet një postimi në facebook, ambasada britanike shkruan se Smith i ka theksuar Ramës mbështetjen e palëkundur të Britanisë ndaj Shqipërisë për Reformën në Drejtës dhe luftën kundër korrupsionit.

Mes të tjerash në postim nënvizohet se, Rama dhe diplomati britanik u dakordësuan për zgjerimin e partneritetit në fushën e tregtisë dhe mbrojtjes.

"Ambasadori britanik, Alastair King-Smith pati një takim pozitiv sot me Kryeministrin e Shqipërisë, Edi Rama duke vlerësuar partneritetin e fortë dhe në rritje mes Shqipërisë dhe Mbretërisë së Bashkuar. Shqipëria mbetet një prej partnerëve tanë më të rëndësishëm në botë.

Ai i përcolli dakordësinë e Kryeministrit britanik, që Mbretëria e Bashkuar të mbështesë fazën tjetër të përpjekjeve të Shqipërisë për reformën e shtetit të së drejtës dhe anti-korrupsionin, përfshirë me Policinë e Shtetit dhe Gjyqësorin dhe presin që vizitat e nivelit të lartë të intensifikojnë bashkëpunimin.

Ata ranë dakord mbi hapat për të zgjeruar partneritetin tregtar mes Mbretërisë së Bashkuar dhe Shqipërisë, përfshirë edhe në fushën e Mbrojtjes, si edhe takimet e ardhshme të biznesit, të nivelit të lartë në Londër për të gjithë vende e Ballkanit Perëdimor"- thuhet në njoftimin e ambasadës.

 

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?



×

Lajmi i fundit

KPA shkarkon prokurorin Erjon Pano

KPA shkarkon prokurorin Erjon Pano