POP 5

Lajmet më të lexuara të 5 minutave të fundit

Politikë

Ambasadori britanik takon Ramën: Treguat zemërgjerësi duke pritur afganët, Shqipëria rol të fortë në skenën ndërkombëtare dhe rajonale

Ambasadori i ri i Britanisë së Madhe në Shqipëri Alastair King-Smith ka vlerësuar zemërgjerësinë e popullit shqiptar për strehimin e afganëve si dhe rolin e fortë që po luan Shqipëria në skenën ndërkombëtare dhe rajonale.

Ambasadori britanik takon Ramën: Treguat zemërgjerësi duke pritur afganët, Shqipëria rol të fortë në skenën ndërkombëtare dhe rajonale

Ambasadori i ri i Britanisë së Madhe në Shqipëri Alastair King-Smith është takuar ditën e sotme me kryeministrin Edi Rama. Forcimi i marrëdhënieve dypalëshe dhe bashkëpunimi në sfidat globale ishin pjesë e diskutimit të tyre. Ambasadori King-Smith vlerësoi zemërgjerësinë e popullit shqiptar për strehimin e afganëve si dhe rolin e fortë që po luan Shqipëria në skenën ndërkombëtare dhe rajonale.

“U angazhuam për të zgjeruar dhe forcuar marrëdhëniet midis Mbretërisë së Bashkuar dhe Shqipërisë si dhe të vazhdojmë punën e përbashkët në lidhje me mundësitë dypalëshe dhe sfidat globale. Do të mirëpresim Kryeministrin Rama në Glasgow në Konferencën e OKB-së për Ndryshimet Klimatike #COP26 në Nëntor – veprimi i përbashkët për klimën është vendimtar për prosperitetin dhe suksesin e të gjitha vendeve, përfshirë Shqipërinë. Gjithashtu falënderova Kryeministrin për zemërgjerësinë e popullit shqiptar për kontributin në ndërhyrjen ndërkombëtare në krizën në Afganistan duke pritur qytetarët afganë në rrezik në Shqipëri” është shprehur Ambasadori King-Smith.

Ambasadri Alastair King-Smith dhe Kryeministrin Edi Rama diskutuan mënyrat se si Mbretëria e Bashkuar dhe Shqipëria mund zgjerojnë partneritetin në sektorët me përparësi: Mbështetja për reformat demokratike, forcimin e sundimit të ligjit dhe bashkëpunimin për sigurisë; Rritja dhe prosperiteti përmes ekonomisë së gjelbër; Inovacioni dhe teknologjia, për të forcuar ekosistemin e larmishëm dixhital në Shqipëri. Arsimi, rinia dhe kultura

Ambasadori King-Smith vlerësoi rolin shumë më të fortë që po luan Shqipëria në skenën ndërkombëtare dhe rajonale, si një partner thelbësor për Mbretërinë e Bashkuar, në NATO, në institucionet evropiane dhe së shpejti si vend anëtar i Këshillit të Sigurimit të Kombeve të Bashkuara”, thuhet në njoftimin e ambasadës.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Skandali tek Onkologjiku, a duhet hetimet të shkojnë përtej mjekëve?

Lajme të tjera



×

Lajmi i fundit

Lufta në Rripin e Gazës/ Hezbollahu sulmon Izraelin, 18 ushtarë të plagosur

Lufta në Rripin e Gazës/ Hezbollahu sulmon Izraelin, 18 ushtarë të plagosur

1 Korrik, 15:16