POP 5

Lajmet më të lexuara të 5 minutave të fundit

Politikë

Ambasadori i BE-së takon Holta Zaçajn: Gjykata Kushtetuese, institucion kyç për demokracinë në Shqipëri

Ambasadori i Bashkimit Evropian në Shqipëri, Silvio Gonzato, ka takuar kryetaren e Gjykatës Kushtetuese, Holta Zaçaj

Ambasadori i BE-së takon Holta Zaçajn: Gjykata Kushtetuese, institucion kyç për demokracinë në Shqipëri

Silvio Gonzato dhe Holta Zaçaj

Kryetarja e Gjykatës Kushtetuese të Shqipërisë, Holta Zaçaj, priti në një takim zyrtar Kreun e Delegacionit të Bashkimit Europian në Shqipëri, Ambasadorin Silvio Gonzato

Përmes një postimi në rrjetin spocial X Gonzato bën me dije se kanë biseduar për mbështetjen e plotë për "institucionin më të lartë të drejtësisë në vend", duke iu referuar Gjykatës Kushtetuese.

“Diskutuam për punën e Gjykatës Kushtetuese dhe bashkëpunimin tonë të ardhshëm në mbështetje të këtij institucioni kyç të sistemit demokratik të Shqipërisë”, shkruan ambasadori i BE-së në Tiranë.

Kurse në një njoftim nga zyra e shtypit në Gjykatën Kushtetuese bëhet me dije se gjatë takimit, Zaçaj ndau me Ambasadorin përpjekjet e vazhdueshme të Gjykatës për të forcuar efektivitetin e vendimmarrjes dhe veprimtarisë së saj.

"E ndal edhe te disa prej arritjeve më kryesore të kësaj periudhe si hartimi i Udhërrëfyësit të parë të Jurisprudencës së Gjykatës Kushtetuese, transmetimi i seancave gjyqësore në live stream, përmirësimi i komunikimit të Gjykatës me median dhe publikun nëpërmjet organizimit të konferencave për shtyp pas vendim-marrjeve më të rëndësishme etj.

Nga ana e tij, Ambasadori Gonzato, duke e vënë theksin në rëndësinë që mbart realizimi me sukses i reformave, si dhe niveli i ndërveprimit me autoritetet publike dhe shoqërinë civile për anëtarësimin e Shqipërisë në Bashkimin Europian, shprehu angazhimin për mbështetjen e veprimtarisë së Gjykatës Kushtetuese, si një institucion kyç për mbrojtjen e të drejtave dhe lirive të qytetarëve, promovimin e demokracisë dhe shtetit të së drejtës."

B.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Çfarë është Jubileu, sa shpesh festohet, kuptimi fetar dhe viti 2033

Çfarë është Jubileu, sa shpesh festohet, kuptimi fetar dhe viti 2033

24 Dhjetor, 17:16