Ambasadori Ferit Hoxha: Rusia duhet të përjashtohet nga OKB! Nuk shoh ‘oreks’ për negociata në këtë moment

Teksa po bëhet një vit nga lufta në Ukrainë, ambasadori i Shqipërisë në OKB, Ferit Hoxha thotë se Rusia duhet të përjashtohet nga Këshilli i Sigurimit të OKB-së. Në një intervistë për mediat portugeze, ambasadori Hoxha thotë se Rusia nuk duhet të jetë pjesë pas e OKB-së shkeljeve të rënda që i ka bërë Kartës së Kombeve të Bashkuara me pushtimin e Ukrainës.

“Në aspektin moral, natyrisht, një vend që nuk respekton kartën e Kombeve të Bashkuara. Rusia sot nuk është një vend që aderon në paqe. Prandaj, Rusia duhet të jetë, natyrisht, jashtë Këshillit të Sigurimit dhe jashtë OKB-së. Por ne nuk mund ta bëjmë këtë. Sepse për të ndryshuar përbërjen e Këshillit, na duhen jo vetëm dy të tretat e votave anëtarëve të Kombeve të Bashkuara, por edhe pesë anëtarët e përhershëm. Kështu që unë nuk shoh që Rusia të votojë kundër vetvetes”, tha diplomati.

Në një intervistë me Lusa, Hoxha tha se në këtë moment nuk sheh asnjë mundësi për negociata.

“Unë mendoj se kjo luftë e nisur nga Rusia dhe ndoshta nga një person në Rusi (Vladimir Putin) është në një lloj pike pa kthim. (…) Ne shohim se Rusia është ende e bindur se Ukraina nuk duhet të ekzistojë, se territori i Ukrainës mund të jetë rus  dhe ata kanë aneksuar zyrtarisht katër territore të reja, përveç Krimesë. Prandaj, ne nuk shohim asnjë mundësi, asnjë oreks për negociata tani”, vlerësoi ai.

SI.E./Shqiptarja.com

TAG:
• Rusi
• Ferit Hoxha
• lufta ne ukraine