Ambasadori për mbrojtjen Kibernetike në SHBA vizitë në Tiranë: Jemi të përkushtuar më mbështetjen e vazhdueshme ndaj Shqipërisë

TIRANË- Ambasadori i Posaçëm për Hapësirën Kibernetike dhe Politikat Digjitale në SHBA, Nathaniel Fick, ka kryer në vizitë zyrtare në Tiranë. Zyrtari i lartë amerikan ka takuar zvendëskryeministren Belinda Balluku dhe ministrin e Mbrojtjes Niko Peleshi, ndërsa i ka shprehur mbështetjen në mbrojtjen kibernetike.

“Pata diskutime konstruktive mbi sigurinë kibernetike me Zëvendëskryeministren Belinda Balluku, Ministrin e Mbrojtjes Niko Peleshi, Koordinatorin e Ri Kombëtar për Sigurinë Kibernetike Igli Tafa dhe zyrtarë të tjerë të sigurisë kibernetike. SHBA janë të përkushtuara për mbështetjen e vazhdueshme të aleatëve tanë shqiptarë në mbrojtjen kibernetike”.- shkruan ambasadori i Posaçëm për Hapësirën Kibernetike dhe Politikat Digjitale Nathaniel Fick.

Shqipëria ra pre e sulmeve kibernetike nga Irani në një kohë të shkurtër brenda pak muajve! Sulmi i parë kibernetik ndodhi në mes të muajit korrik të këtij viti, ku u sulmuan portalet shtetërore të shërbimeve online, të cilat nuk funksionuan për 4 ditë. Si rezultat i hetimeve që u bë nga ekspertët shqiptar, por edhe nga vendet aleate, u dol në përfundimin se ishte Irani që financoi sulmin. Ndërsa më 10 shtator, u sulmua sistemi TIMS. Ky sulm ‘paralizoi’ për disa orë pikat e kalimit kufitar të të gjithë vendit, në Rinas, Kakavijë, e Kapshticë, ku policia hapi regjistrat duke punuar manualisht.

M.Q./Shqiptarja.com

TAG:
• Irani sulme kibernetike Shqipërisë
• SHBA
• Nathaniel Fick
• TIMS