POP 5

Lajmet më të lexuara të 5 minutave të fundit

Politikë

Amendimi për kreun e RTSH, Pollo:
Doni t'i shmangeni ndërkombëtarëve

Të enjten në Kuvend pritet të hidhet në votim amendimi i 28 deputetëve të PS dhe LSI për ndryshim në ligjin për televizionin Publik Shqiptar, sipas të cilit kryetari i RTSH-së zgjidhet sipas formulës së presidentit. Kreu i komisionit parlamentar të Medias, deputeti demokrat Genc Pollo foli për ndërhyrje të kryeministrit Rama në këtë proces, që sipas tij, e kaloi me procedurë të përshpejtuar këtë ndryshim "për të shmangur konsultimin në radhë të parë me BE, OSBE, e KiE që kanë ndihmuar shumë për këtë ligj".  VIDEO
Amendimi për kreun e RTSH, Pollo:<br />Doni t'i shmangeni ndërkombëtarëve
TIRANE - Të enjten në Kuvend pritet të hidhet në votim amendimi i 28 deputetëve të PS dhe LSI për ndryshim në ligjin për televizionin Publik Shqiptar, sipas të cilit kryetari i RTSH-së zgjidhet sipas formulës së presidentit. Kreu i komisionit parlamentar të Medias, deputeti demokrat Genc Pollo foli për ndërhyrje të kryeministrit Rama në këtë proces, që sipas tij, e kaloi me procedurë të përshpejtuar këtë ndryshim "për të shmangur konsultimin në radhë të parë me BE, OSBE, e KiE që kanë ndihmuar shumë për këtë ligj".

Ai solli në kujtesë se 5 vjet më parë kur mazhoranca aktuale ishte në opozitë, kërkoi që kreu i RTSH-së të zgjidhje me shumicë të cilësuar, ligj i miratuar me konsensusin e palëve para zgjedhjeve parlamentare të 2013-ës. 

Sipas ndryshimit të propozuar nga mazhoranca, nëse në 3 raundet e para drejtori i RTSH-së nuk zgjidhet nga Këshilli Drejtues i Televizionit me shumicë të cilësuar në raundin e katërt për zgjedhjen e tij me shumicë të thjeshtë.

Deklaratë e kryetarit të Komisionit Parlamentar të Medias, Genc Pollo 
Edi Ramës nuk i mjafton kontrolli që ka arritur të verë mbi mediat private përmes joshjes, blerjes, shantazhit e kopaçes AMA. Por edhe një media publike si RTSH, megjithëse e komandon de facto, do patjetër ta shtjerë në dorë edhe de jure.

Ligji për Median Audiovizive, i miratuar me konsensus pak muaj para zgjedhjeve parlamentare 2013, do të ishte një bazë e duhur për një transmetues publik të ringritur. Ishte PS e Ramës në opozitë që në vitin 2012 vuri si kusht për konsensusin ndaj këtij ligji shumicën e cilësuar në Këshill Drejtues të RTSH për emërimin e Drejtorit të Përgjithshëm. Mazhoranza e PD asokohe e pranoi kushtin e opozitës dhe e votoi kështu ligjin.

Sot në pushtet, pikërisht këtë formulë të kërkuar prej tij para 5 vitesh Edi Rama do ta anullojë këtë të enjte në Kuvend. Ankohet se e bllokon opozita. Edhe pse mes dy kandidatëve të përzgjedhur nga Këshilli Drejtues, që të dy me jetë aktive politike në PS prej 25 vjetësh, si shenjë kompromisi e bashkëpunimi, anëtarët nga opozita përkrahin njërin prej tyre. Por jo detyrimisht mikun familjar të Edi Ramës. Atëhere të ndryshohet ligji thotë Rama. Të ndryshohet ad hominem, për njeriun konkret. Për mikun  e bën gjënë të cilën refuzon ta bëjë për mikun tjetër, Prengën e Laçit. Se nuk i leverdis.

E bën edhe me procedurë urgjence për të shmangur konsultimin në radhë të parë me BE, OSBE, e KiE që kanë ndihmuar shumë për këtë ligj e fushë. Edhe këtu zhbën nje praktikë pozitive të deritashme.
Dhe për të kuptuar mentalitetin e tij vëreni faktin: Ka emeruar Drejtore të Informacionit madje donte ta emëronte përkohësisht si Drejtoreshë të Përgjithshme e RTSH, shefen e PR në Bashkinë Tiranë deri në 2011.

Redaksia Online
(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

5 vjet nga tërmeti shkatërrimtar i 26 nëntorit me 51 viktima, Braçe: Nuk kisha parë aq shumë jetë të humbura në një agim

5 vjet nga tërmeti shkatërrimtar i 26 nëntorit me 51 viktima, Braçe: Nuk kisha parë aq shumë jetë të humbura në një agim

26 Nëntor, 09:26