POP 5

Lajmet më të lexuara të 5 minutave të fundit

Opinion

Amerika i vuri 'vizën' Albin Kurtit

Fantazma e qeverisë! Nuk u ftua në takim nga vendi më i fuqishëm në botë - Amerika, që do të thotë se kryeministri Albin Kurti momentalisht është i padëshiruari më i madh në botë. Amerika i refuzon kriminelët e vrasësit, tradhtarët e agjentët (që punojnë për armikun)...

Amerika i vuri 'vizën' Albin Kurtit

Kryeministri i Kosovës Albin Kurti

Fantazma e qeverisë! Nuk u ftua në takim nga vendi më i fuqishëm në botë - Amerika, që do të thotë se kryeministri Albin Kurti momentalisht është i padëshiruari më i madh në botë. Amerika i refuzon kriminelët e vrasësit, tradhtarët e agjentët (që punojnë për armikun)....

Por, njësoj të neveritshëm dhe të padëshiruar janë dogmatët, mendjemëdhenjtë dhe psikopatët, si Albin Kurti - i cili e konsideron Amerikën si një partner alternativ, pa të cilin - bën. Luftën kundër Amerikës e nisi duke e analizuar dashurinë e popullit shqiptarë për Amerikën. Albin Kurti doli me definicionin se 'shqiptarët nuk e duan Amerikën - por, ia kanë frikën'.

Misioni i Albin Kurtit në pushtet ishte që ta shëronte këtë popull nga frika prej Amerikës. Dhe, për pak e shëroi.... Sëmundja e dashurisë në përgjithësi, e në këtë rast sëmundja e dashurisë për Amerikën - e mban gjallë shtetin e Kosovës.

Kur njerëzimi do të shërohet nga sëmundja e dashurisë - nga nevoja ekzistenciale dhe e tmerrshme për të qenë i sëmurë nga dashuria - atëherë ndodh fundi i tokës. Se kujt i shërben kryeministri Kurti, sherri i kujt punon kundër Kosovës dhe pikëpyetje të tjera lidhur me veprimtarinë e tij antishqiptare dhe antiamerikane - do të merret vesh!Përveç insistimit të tërbuar për prishje të miqësisë me krijuesin e shtetit të Kosovës dhe Shqipërisë (Amerikën), Albin Kurti vazhdimisht ka investuar në një luftë qytetare mes shqiptarëve, duke filluar nga distancimi, rivaliteti falls dhe prishja e raporteve me Shqipërinë zyrtare.

S'ka lënë gjë pa bërë për t'ia nisur 'asaj' lufte... Ka investuar në zbrazjen e Kosovës nga shqiptarët dhe ka punuar për t'i varfëruar dhe trishtuar shqiptarët. Qeveria e tij ua ka mohuar shqiptarëve jetën...nga degradimi i shëndetësisë, nënçmimi i mjekëve dhe mësimdhënëse, nga refuzimi për t'ua pranuar stazhin pensionistëve - deri te dyfishimi i çmimit të tatimit në pronë - si akt i kryer - pa paralajmërim.

Ka premtuar padi ndaj Serbisë për krime dhe gjenocid kundër shqiptarëve - por zyrtarisht i ka mohuar krimet e Serbisë.... Nuk është qetësuar pa i mohuar viktimat shqiptare të shtetit serb, e ka glorifikuar vrasësin e civilëve shqiptarë dhe pa pushim ka provokuar hakmarrje e gjakderdhje, vetëvrasje e vrasje. (Duhet të paditet dhe të hetohet për punën e tij në zhbërjen e lirisë e të pavarësisë së Kosovës; prishjen e raporteve me perëndimin; ndarjen e popullit dhe nxitjen e luftës qytetare).

Sot, pasi nuk u ftua nga Ambasada amerikane për ta përfaqësuar politikën zyrtare të Kosovës, dhe pasi që u gjet zëvendësiimi (alternativa) për të - kryeministri fantazmë tha se Amerika dhe BE e kanë kërcënuar Kosovën me sanskione - nëse nuk bëhet siç thonë ata - pra, nëse nuk implementohen marrëveshjet që qeveritë e Kosovës i kanë nënshkruar.

Që kjo nuk është e vërtetë, e dëshmon fakti se sot Amerika e sanksionoi vetëm kryeministrin Albin Kurti - i cili që nga dita e parë në pushtet e ka sabotuar çdo ide, çdo projekt dhe çdo iniciativë amerikane për zhvillimin e Kosovës. Albin Kurti me arrogancë dhe vetëbesim e ka nënçmuar Amerikën, përfaqësuesit amerikanë, si të padenjë - për 'lartmadhërinë e tij'!

Qeveria Kurti është vetëm një alternativë, nuk pyetet për të ardhmën e Kosovës - prej sot. Albin Kurti është i shkarkuar, de fakto. Kosova, sherri i tij, duket si në gjendje lufte - një çmendinë diktatoriale, ku bota perendimore detyrohet të lyp çare tek opozita dhe shoqëria civile - për t'u çliruar nga këmisha e bardhë me zingjirë, me të cilën e ka lidhur Kosovën kryeministri Albin Kurti.

Qeveria Kurti është sot një qeveri pseudo-diktatoriale, e leçitur nga perëndimi, është një qeveri e braktisur, nga e cila më nuk varet e ardhmja e Kosovës. Thjesht është qeveri fantome - që përndjek rrugët e vetmuara! P.S.  Last online 15 years ago!

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

'Mangalem's Shade', magjia e dritave në lagjen muzeale të Beratit

'Mangalem's Shade', magjia e dritave në lagjen muzeale të Beratit

25 Dhjetor, 09:03 nga Mimoza Sinanaj