POP 5

Lajmet më të lexuara të 5 minutave të fundit

Arkiva

Amerikanët viktima? Obama
qorton rivalin Romney

Presidenti i Shteteve të Bashkuara të Amerikës Barack Obama qorton rivalin e tij demokrat Mitt Romney duke deklaruar se ai që kërkon të jetë në krye të shtetit duhet të punojë për të gjithë amerikanët. Publikohet video tjetër e Romney: Palestina nuk e do paqen
NJU JORK- Presidenti i Shteteve të Bashkuara të Amerikës Barack Obama qorton rivalin e tij demokrat Mitt Romney duke deklaruar se ai që kërkon të jetë në krye të shtetit duhet të punojë për të gjithë amerikanët.

I ftuar në programin televiziv të David Letterman, Obama tha se Romney u gabua kur përshkroi 47% të amerikanëve si viktima. Më herët, Romney mbrojti deklarimet e bëra prej tij në një aktivitet me dyer të mbyllura, i filmuar në fshehtësi. Ai i tha rrjetit Fox Neës se e ka të qartë se ata qytetarë që varen nga qeveria nuk do të votojnë për të në zgjedhjet e nëntorit.

Gjatë emisionit të mbrëmjes së të martës Obama tha se që në vitin 2008 premtoi se do të punonte për të gjithë amerikanët, përfshirë ata që nuk kishin votuar për të. "Ajo gjë që unë e kam mësuar si President është se duhet të përfaqëson të gjithë vendin. Nuk ka shumë njerëz që mendojnë se janë viktima", u shpreh Obama.

ROMNEY: PALESTINA NUK E DO PAQEN
Media në Shtetet e Bashkuara të Amerikës vazhdon të publikojë deklarata të kandidatit republikan për President Mitt Romney të dhëna në takimet me dyer të mbyllura. Nga videoja e shpërndarë të martën dëgjohet Romney të thotë ndër të tjera edhe se palestinianët nuk e duan paqen në Lindjen e Mesme. "Palestinianët nuk kanë interes në vendosjen e paqes. Rruga drejt paqes është thuajse e pamendueshme për tu përmbushur", citohet Romney. I menjëhershëm ishte reagimi i negociatorit palestinez Saeb Erekat që për Reuters tha se "Romney u gabua kur akuzoi palestinezët se nuk kërkojnë paqen. "Vetëm ata që duan të ruhet dominimi israelit do të pohonin se palestinezët nuk janë të interesuar për paqen", u shpreh Erekat. Ndërkaq, në një tjetër video ish guvernatori i Massachusetts flet për programin nuklear të Iranit duke paralajmëruar se Amerika mund të vihet nën sulm.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

11 Janar, 07:40