Sipas organizatës ‘Amnesty International’, qindra persona janë arrestuar nga autoritetet në Turqi, pasi postuan komente në rrjete sociale, ku ngrinin pikëpyetje mbi ofensivën ushtarake turke kundër milicisë kurde në Siri.
Grupi për të drejtat e njeriut thonë se dhjetëra njerëz të pafajshëm, përfshirë edhe shumë gazetarë, po përballen me akuza absurde kriminale vetëm se kritikuan operacionin e filluar muajin që shkoi, pas vendimit të Shteteve të Bashkuara për tërheqjen e trupave amerikane nga zona.
Organizata ‘Amnesty International’ thotë se kritikët në Turqi të operacionit, po shtypen nga qeveria. Në qytetin me shumicë kurde, Diyarbakir, policia shpërndau protestat dhe arrestoi demonstruesit.
Të dhënat e organizatës për të drejtat e njeriut thonë se nën hetim ishin 839 llogari të rrjeteve sociale me dyshimin për shpërndarje të përmbajtjes së jashtëligjshme. Hetimi filloi në javën e parë të ofensivës, ku u arrestuan 186 persona.
Më 27 tetor avokatja Nurcan Kaya u arrestua në aeroportin e Stambollit pasi shkroi në Twitter se ‘E dimë nga përvoja se ai që ju e quani operacion paqeje është një masakër’. Ajo u lirua por iu ndalua të udhëtojë.
Edhe gazetarë të tjerë u arrestuan. Sipas “Amnesty International” operacioni ushtarak në Siri është përdorur si arsye që të shtypen politikanët dhe aktivistët kundërshtues, duke tkurrur kështu hapësirën e lirisë së shprehjes.
Turqia i arsyeton masat, duke thënë se qëllimi është që të pengohet përhapja e propagandës terroriste.
Ndërkohë presidenti turk ka mbërritur në SHBA ku do të takohet me Donald Trump.
Dy udhëheqësit pritet të diskutojnë ndërhyrjen ushtarake turke në Sirinë veriore dhe blerjen nga Turqia të një sistemi rus të mbrojtjes ajrore.
Axhenda e publikuar përfshin edhe një konferencë të përbashkët për shtyp.
Një zyrtar i lartë amerikan tha se një tjetër prioritet i Presidentit Trump do të jetë situata në Siri, ku Shtetet e Bashkuara janë të shqetësuara për një rishfaqje të mundshme të Shtetit Islamik, si dhe për të parandaluar "mizoritë humanitare ndaj minoriteteve fetare dhe etnike".
Presidenti Trump pritet të flasë edhe për çështjet e të drejtave të njeriut në Turqi.
Lajme të tjera
-
Turqia aleate me Perëndimin, mike me Rusinë
25 Tetor, 09:40 -
Ministri i Brendshëm serb Daçiç ia merr këngës, i këndon Erdoganit ‘Osman Agën’ (VIDEO)
14 Tetor, 18:15 -
Ruhet me truproja/ Baba Mondi intervistë për ‘Jerusalem Post’: Gati për shtetin Bektashi, të mos humbet kohë! E quaj veten vëlla të popullit të Izraelit!
13 Tetor, 16:13 -
Pasi la Tiranën, Erdogan zbret në Beograd, pritet nga homologu Vuçiç! Analistët: Mund të firmosen dhe marrëveshje ushtarake armatimi
10 Tetor, 21:45 -
Hapet Xhamia e Namazgjasë! Rama e Erdogan presin shiritin! Presidenti turk: Më e madhja në Ballkan! Kryeministri: Zoti na ndihmoftë në rrugën ku duam të ngremë Flamurin e Skënderbeut!
10 Tetor, 16:07 -
Deklarata e përbashkët e Kryeministrit Edi Rama me Presidentin turk, Recep Tayyip Erdoğan (E PLOTE)
10 Tetor, 15:26 -
Lufta/ Erdogan nga Tirana: Izraeli kërcënim global, bota t'i bëjë presion! Shqipëria të bëjë pjesën e saj! Rama: Ndahemi në një pikë! Në planin e paqes Hamasi s'ka vend
10 Tetor, 14:24 -
Erdogan inauguron xhaminë e Namazgjasë/ Arapi: Tallja ndaj myslimanëve mori fund! Tanini: Arkitektura e saj është brutale! Mirë që nuk ka emrin e ndonjë sulltani
9 Tetor, 22:08 -
Erdogan nesër në Tiranë për inaugurimin e Xhamisë së Namazgjasë, ja agjenda dhe detajet e vizitës së presidentit turk
9 Tetor, 20:22 -
Spahiu: Nëse PD nuk largon Berishën, do shkrihet pas humbjes drastike të zgjedhjeve 2025
9 Tetor, 17:36 -
Erdogan kërcënon Izraelin: Herët a vonë do të paguajë çmimin për këtë gjenocid
8 Tetor, 10:55 -
Turqia do të evakuojë qytetarët e saj nga Libani
8 Tetor, 09:55
