Amnistia dhe reforma zgjedhore, Basha ironizon Rithemelimin: Janë rimorkio e urbanit të prishur të Edi Ramës

Kreu i PD-së, Lulzim Basha mori pjesë sot në një takim me Kuvendin Zgjedhor të degës nr.3 në Tiranë.

Basha në fjalën e tij u ndal tek amnistia e miratuar në parlament mes Rithemelimit dhe Partisë Socialiste. Basha thotë se ata miratuan amnisti për të korruptuarit dhe jo për protestuesit. 

'E zvaritën sa e zvarritën amnistinë derisa një ditë të bukur thanë ejani të bëjmë amnistinë, sepse brenda kishin futur atë që në gjuhën popullore quhet “mishi i dhisë”. Amnisti me mish dhie do të thotë amnisti për të korruptuarit dhe jo për protestuesit kundër korrupsionit. Këtë bënë. Por nuk e bënin dotë pa disa vota nga ata që ulen në atë karrige me votat e opozitës. Me mundin, djersën dhe gjakun e demokratëve', u shpreh kreu i PD-së.

Nga ana tjetër sa i përket reformës zgjedhore, kreu i PD-së thotë se propozimet e tij janë të mbështetura nga të gjithë shqiptarët pavarësisht bindjeve politike. 

'Të cilat siç e dini fare mirë, po të dalim jashtë i përqafon çdo qytetar pavarësisht prej bindjeve politike. Për listat e hapura, për votimin elektronik dhe numërimin elektronik, për Shqipërinë një zonë që garanton barazinë e votës dhe për votën e diasporës. Ky është një rast tjetër ku duket qartë se kush e bën betejën për shqiptarët dhe kush e bën këtë betejë për demokratët dhe kush është kthyer në rimorkio të urbanit të prishur të Edi Ramës.

E prishën komisionin e reformës zgjedhore se do të ndërtonin një tjetër celulë 3 plus 3. Ka më shumë se dy muaj që komisioni i reformës zgjedhore u asgjësua me dorën e atyre që i thonë vetes opozitë, por që në fakt janë rimorkio e Edi Ramës', tha Basha.

Basha foli edhe për suksesin e qeverisë me 10 milion turistë për vitin 2023. Për kreun e PD-së, kjo është një gënjeshtër, pasi 60% e vizitorëve janë shqiptarë që kthehen në vendlindje tek familjet e tyre apo shqiptarë nga Kosova, Mali i Zi dhe Maqedonia.

'Është gënjeshtër siç u detyruan ta pranonin. Mbi 60% e tyre janë shqiptarë që vijnë të vizitojnë familjet e tyre, apo shqiptarë të Kosovës, Malit të Zi, Maqedonisë. Pjesa tjetër janë turistë me shpenzime të ulëta. Turizmi shqiptar nuk është në gjendje të mbajë në këmbë veten e vet dhe jo më të krijojë një zinxhir vlerash i cili normalisht duhej të dyfishonte e të trefishonte volumin e prodhimit bujqësor. Duhej të zgjidhte një herë e përgjithmonë mirëqenien e fermerit shqiptar', shtoi kryedemokrati. 

Gjithashtu, Basha vijoi më tej duke folur edhe për shtresën e mesme në Shqipëri e cila sipas tij detyrohet t'i nënshtrohet mjerimit të aktualitetit politik.

'Është i vetmi vend që shtresën e mesme e trajton si armik, sepse qeveria ka frikë çdo faktorë dhe çdo aktor që mendon me kokën e vet që është në gjendje të shpreh mendimin e vet dhe jo t’i nënshtrohet pushtetit dhe mjerimit intelektual dhe politik të tij.

Për këtë arsye i ka rritur taksat shtresës së mesme, për ta stimuluar të largohet në vend që të qëndrojë këtu dhe të prodhojë vlera. Pensionet e pensionistëve shqiptarë nuk mjaftojnë as për javën e parë të muajit pa mbështetjen e familjarëve të tyre, kryesisht atyre që jetojnë jashtë vendit', theksoi Lulzim Basha.

Rendit zhvillimet sipas orarit:
Ora 11:36
10 milion turistë? Basha: Është gënjeshtër! Mbi 60% janë shqiptarë që kthehen tek familjet

Lulzim Basha i ka konsideruar si gënjeshtër suksesin e qeverisë për 10 milionë turistët gjatë vitit 2023.

Gjatë një fjalimi në Kuvendin Zgjedhor demokrat të degës nr.3, Basha thotë se pjesa më e madhe e tyre janë shqiptarë që jetojnë jashtë dhe që kthehen në familjet e tyre.

Nga ana tjetër, kryedemokrati shton se turizmi në vendin tonë lë për të dëshiruar dhe nuk është në gjendje të mbajë veten e vet.

'Është gënjeshtër siç u detyruan ta pranonin. Mbi 60% e tyre janë shqiptarë që vijnë të vizitojnë familjet e tyre, apo shqiptarë të Kosovës, Malit të Zi, Maqedonisë. Pjesa tjetër janë turistë me shpenzime të ulëta. Turizmi shqiptar nuk është në gjendje të mbajë në këmbë veten e vet dhe jo më të krijojë një zinxhir vlerash i cili normalisht duhej të dyfishonte e të trefishonte volumin e prodhimit bujqësor. Duhej të zgjidhte një herë e përgjithmonë mirëqenien e fermerit shqiptar', tha Basha.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Besi: 04/05/2024 17:47

    ne shkoder nuk ka veem zhele po edhe visare qe i vlejne letersise si kjo qe degjova nga disa shkodrane si e quanin tellallin dhe i shkon shume per shtat edhe lepurushit Lul. Me thoni nese e kam gabim ta quaj tregtari i venetikut (venezia) Po ia kam qepur per shtat se ka ca kohe qe nuk e shoh ne forme

    Përgjigju
  • Sondazhi i ditës:

    Barazimi me Kroacinë, mendoni se Kombëtarja kalon grupet e Euro 2024



×

Lajmi i fundit

Euro 2024/ Skoci-Zvicër 1-1, helvetët shohin përpara në fazën 1/16 me supergolin e Xherdan Shaqirit

Euro 2024/ Skoci-Zvicër 1-1, helvetët shohin përpara në fazën 1/16 me supergolin e Xherdan Shaqirit