Amnistia, përfitojnë mbi 10 gra
Jakaj:Janë gati për tregun e punës

Nënshkrimi i amnistisë nga ana e presidentit të Repulikës Bujar Nishani, në burgun e grave do të sjellë lirimin për rreth 10 të dënuarave.

Ndryshimet e herëpashershme në nene, solli për burgun e grave "Ali Demi" rreth 10 gra. Kjo u konfirmua nga burime të Report Tv. Megjithatë për të gjitha gratë që tashmë janë duke vuajtur dënimin e tyre po punohet që në kohën kur ato do të largohen nga institucioni i vuajtjes së dënimit të kenë mundësi për t’u futur në tregun e punës dhe rrjedhimisht punësim.

Drejtoresha e burgut 325 , Xhoi Jakaj, shpjegoi për Report Tv procedura për aftësimin e të dënuarave në këtë institucion të vuajtjes së dënimit.

"Në burgun “Ali Demi” është e atashuar njësia numër katër e formimit profesional ku janë certifikuar rreth 110 gra për profesione të ndryshme, si kujdestari e fëmijëve po të moshës së tretë, certifikata për parukeri, zejtari, kompjuter, ku unë po pres edhe një projekt nga ambasada e OSBE për ta zhvilluar brenda burgut dhe për të pasur më shumë jetëgjatësi që gratë dhe vajzat të kenë mundësi punësimi që kur dalin të  jenë të afta ta vënë në punë këtë certifikatë", u shpreh drejtoresha e burgut 325 , Xhoi Jakaj. 

 Po kështu është kërkuar nga ana e këtij institucioni që çdo i ftuar që viziton këtë institucion të marrë përsipër punësimin e njërës perj tyre pasi të dalë nga dyert e burgut. Kjo pasi ende këto gra janë viktima të mentalitetit.

"Nëse shoqëria i mbështet këto gra dhe vajza do të ketë më pak dhunë,  dhe do ketë më shumë nëna pranë familjeve të tyre, ku biologjikisht nëna për këtë është lindur", deklaroi Jakaj. 

 Përgatitja e të dënuarave për të rifilluar jetën pasi anë vuajtur dënimin vazhdon të jetë sfidë, ashtu sikundër vazhdon të jetë sfidë edhe eleminimi i dhunës nga shoqëria jonë. 


Redaksia Online
(B.K/Shqiptarja.com)
 

TAG:
• OSBE