AMP arreston policin kufitar në Portin e Durrësit, lejoi trafikun e armëve drejt Italisë (EMRI)

DURRËS- Besard Xhaferri efektiv i policisë kufitare në Portin e Durrësit, është arrestuar për shpërdorim detyrë nga Agjencia e Mbikqyrjes Policore (AMP). Sipas AMP-së efektivi 37-vjeçar, ka lejuar trafikun e armëve drejt Italisë.

Besard Xhaferri nuk kontrolloi një 'Bizarke' (Automjet qe transporton makina) në të cilin u gjetën 2 pistoleta.

‘Nga hetimet e kryera nga Agjencia e Mbikëqyrjes Policore, u dokumentua me prova se ky punonjës policie ka shmangur në mënyrë të qëllimshme kontrollin e mjetit tip Bizarke me drejtues shtetasin E. U., 45 vjeç, i cili ka udhëtuar me linjën Durres-Bari dhe sapo ka zbritur në Bari, gjatë kontrollit i janë gjetur 2 armë zjarri të tipit pistoletë.’- njofton policia.

Ndërkohë autoritetet italiane arrestuan në Bari 45-vjeçarin. Hetimet vazhdojnë për përfshirje të punonjësve të tjerë të policisë në këtë veprimtari kriminale.

Në lidhje me këtë ngjarje ka reaguar edhe ministri i Brendshëm Taulant Balla.

‘Vijon procesi i vetëpastrimit në Policinë e Shtetit. Falë hetimit të Agjensisë së Mbikqyrjes Policore në bashkëpunim me Prokurorinë e Jurisdiksionit të Përgjithshëm Durrës është arrestuar një punonjës i Policisë Kufitare në Portin e Durrësit, i dyshuar për veprën penale “Shpërdorim i detyrës”. Bashkëpunimi edhe më i ngushtë i Agjencisë së Mbikëqyrjes Policore dhe Prokurorisë së Posaçme, sa i përket shkëmbimit të informacioneve lidhur me përfshirjen e mundshme të punonjësve të policisë në veprimtari të paligjshme, do të kontribojë ndjeshëm në realizimin me sukses të procesit të vetëpastrimit dhe, mbi të gjitha, në rritjen e llogaridhënies dhe të besueshmërisë së organizatës së Policisë së Shtetit, si institucion kyç për garantimin e rendit dhe sigurisë në vend, ku besimi dhe bashkëpunimi me institucionet e tjera dhe publikun përbëjnë kusht themelor.’- shkruan Balla.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Polo: 05/04/2024 22:47

    Hahhaha...sapo kane emruar nje kryehajdut shef i postës se portit

    Përgjigju
  • Sondazhi i ditës:

    Zgjedhjet parlamentare 2025, sipas jush si duhet të votojë diaspora?



×

Lajmi i fundit

Konferenca e kryetarëve, miratohet me votat e mazhorancës rezoluta anti-korrupsion! Të hënën në Kuvend! PS: Armë shtesë që të çojmë reformat përpara

Konferenca e kryetarëve, miratohet me votat e mazhorancës rezoluta anti-korrupsion! Të hënën në Kuvend! PS: Armë shtesë që të çojmë reformat përpara