Mes tingujve të magjishëm të jazzit, pothuajse 400 të rinj u nisën mëngjesin e sotëm nga Tirana drejt Shkodrës me tren, për të festuar “International Jazz Day”, apo e thënë ndryshe, Ditën Ndërkombëtare të Jazzit.
Ky është eventi i tretë që organizon “Hemingway Club Tirana”, pikërisht më 30 Prill, sipas organizatorëve, kërkesat për bileta këtë vit kanë qenë të shumta.
Udhëtimi është shijuar maksimalisht, edhe në pitt-stop-in që është bërë në Lezhë, është përcjellë energjia tek banorët e zonës ku kanë dëfryer së bashku me 400 personat që udhëtojnë në tren. Një tjetër detaj që e bën akoma më të veçantë këtë udhëtim është veshja speciale për këtë ditë speciale. Është “rikthyer koha pas” veshjet e viteve ’40-’50 plotë ngjyra janë edhe ato që 'tunden' nën ritmet e muzikës Jazz. Pjesë të aktivitetit janë mosha e tretë, të cilët i janë rikthyer nostalgjisë së rinisë.
Gjatë qëndrimit në Shkodër, grupi i Jazz-it ka performuar edhe në Teatrin 'Migjeni' përpara dhjetëra qytetarëve duke marrë duartrokitjet e spektatorëve.
