Anëtarësimi i Kosovës në OKB, Serbia kërkon veton ruse dhe kineze

Pas debatit dy ditor për dialogun me Kosovën, parlamenti i Serbisë e autorizoi presidentin Aleksandër Vuçiç që t’iu shkruajë letër presidentit të Rusisë, Vladimir Putin  dhe presidentit të Kinës, Xi Jinping.

Presidenti serb, me anë të kësaj shkrese duhet t’i kërkojë Moskës dhe Pekinin që të vendosin veto kurdo që në Organizatën e Kombeve të Bashkuara (OKB) vjen në rend dite anëtarësimi i Kosovës në këtë mekanizëm ndërkombëtar.

Rusia, Kina, Franca, Shtetet e Bashkuara të Amerikës dhe Britania e Madhe janë pesë shtetet anëtare të përhershme të  Këshillit të Sigurimit me të drejtën e vetos.

Drejtori i Grupit Ballkanik për Politika, Naim Rashiti, thotë se zhvillimet e fundit gje-politike në botë  i bëjnë shanset e Kosovës për hyrje në OKB edhe më të vështira jo vetëm tani, por edhe në vitet në vijim.

"Në fund të fundit ky është qëllimi kryesor i Serbisë dhe Vuçiçit që të mos ketë anëtarësim të plotë të Kosovës në mekanizmat ndërkombëtarë, pra në OKB, sepse atëherë,  pesha e njohjes së Serbisë nuk do të kishte vlerë”, thotë drejtori në BPRG.

 

S.C/Shqiptarja.com

TAG:
• serbi
• kosove
• Dialogu Kosovë Serbi
• OKB
• aleksander vucic