Opozita hungareze me siguri do të kërkojë një seancë të jashtëzakonshme parlamenti për të ratifikuar anëtarësimin e Suedisë në NATO, por përpjekja e tyre mund të dështojë, tha të enjten, kryetari i parlamentit, Laszlo Kover.
Parlamenti turk ka ratifikuar më 24 janar kërkesën e Suedisë për anëtarësim në NATO, duke e bërë edhe më të afërt hyrjen e këtij vendi në aleancë.
Presidenti turk, Recep Tayyip Erdogan, tani pritet ta nënshkruajë legjislacionin për Suedinë brenda ditëve.
Kjo nënkupton që Hungaria do të jetë anëtarja e vetme e NATO-s, që do të duhet të miratojë kërkesën e Suedisë, ashtu që të finalizohet procesi.
Kover shtoi, në faqen e tij në internet, se ai "nuk ndjen ndonjë urgjencë të veçantë” dhe “nuk ka asnjë situatë të jashtëzakonshme" në lidhje me pranimin e Suedisë në NATO.
Hungaria e ka akuzuar Suedinë se ka qasje armiqësore.
Në mars të vitit të kaluar, zëdhënësi i Qeverisë hungareze, Zoltan Kovacs, i ka akuzuar zyrtarët në Suedi se po qëndrojnë në fronin e superioritetit moral.
Kjo pasi Stokholmi e ka akuzuar më parë Qeverinë hungareze se po rrëshqet kundër parimeve demokratike të BE-së.
Megjithatë, ditëve të fundit ka pasur përparim.
Kryeministri hungarez, Viktor Orban, ka thënë të martën se e ka ftuar homologun e tij suedez në Budapest, për të biseduar për anëtarësimin e Suedisë në NATO.
Sekretari i Përgjithshëm i NATO-s, Jens Stoltenberg e ka mirëpritur lajmin nga Turqia, duke thënë se pret që edhe Hungaria t’iu japë fund procedurave sa më shpejt që është e mundur.
Suedia, bashkë me Finlandën, u kanë dhënë fund disa dekadave neutralitet më 2022, dhe kanë vendosur t’i bashkohen NATO-s, pas nisjes së luftës së Rusisë në Ukrainë.
Teksa Finlanda është pranuar, Suedisë i është penguar rruga nga Turqia, e ka pasur disa mospajtime me Suedinë lidhur me atë që e ka konsideruar përkrahje të Stokholmit për separatistët kurdë, duke përmendur pjesëtarë të Partisë Popullore të Kurdistanit (PKK).
Turqia, bashkë me Shtetet e Bashkuara dhe Bashkimin Evropian, e konsiderojnë PKK-në si organizatë terroriste./REL
Lajme të tjera
-
Lituania mbështet idenë e dislokimit të armëve bërthamore të NATO-s në Poloni
26 Prill, 21:56 -
‘NATO e ka gjithmonë një sy mbi Ballkanin’/ Ekspertja: Ja kur do të anëtarësohet Kosova në aleancë
26 Prill, 21:24 -
Këshilli NATO-Ukrainë takohet lidhur me sistemet ajrore për Kievin
19 Prill, 08:29 -
Begaj pret delegacionin e Asamblesë Parlamentare të NATO-s: Shqipëria do të vijojë të luajë rolin e saj si faktor paqeje
17 Prill, 21:31 -
VIDEO/ Befasoi Sylvinhon, sulmuesi i Kombëtares shënon golin e parë sezonal
14 Prill, 15:43 -
Ceremoni në Bruksel për 15-vjetorin e anëtarësimit në NATO, Peleshi: Të palëkundur në mbështetjen ndaj Aleancës
13 Prill, 14:44 -
NATO e shqetësuar për retorikën përçarëse në Bosnje
8 Prill, 15:53 -
Dhjetëra mijëra njerëz protestojnë në Budapest kundër Viktor Orbanit
6 Prill, 18:41 -
Në Bruksel kremtohet 75-vjetori i themelimit të NATO-s! Stoltenberg: Aleatët kanë nevojë më shumë se kurrë për SHBA-në
4 Prill, 16:43 -
75 vjet NATO, Begaj: Pa aleancën, siguria globale e paimagjinueshme! Peleshi: Shqipëria e përkushtuar për stabilitetin në rajon
4 Prill, 09:23 -
Stoltenberg kërkon 100 miliardë euro për pesë vjet për Ukrainën
3 Prill, 18:32 -
75 vjet NATO, Ministria e Mbrojtjes: Shqipëria në krah të aleatëve! Forca Tokësore ceremoni madhështore më 9 prill
3 Prill, 12:04
