Presidenti Joe Biden do të presë në Shtëpinë e Bardhë kryeministrin suedez Ulf Kristersson për bisedime, ndërsa udhëheqësit e vendeve anëtare të NATO-s përgatiten për një takim të nivelit të lartë në Lituani.
Suedia po përpiqet të anëtarësohet në aleancën ushtarake të NATO-s, një lëvizje kjo e ndikuar nga agresioni rus në Ukrianë. Udhëheqësit e NATO-s dhanë miratimin e tyre për pranimin e Suedisë gjatë vitit 2022, por Turqia dhe Hungaria nuk e kanë ratifikuar ende kërkesën e Stokholmit. Që një vend të bëhet pjesë e NATO-s procesi i pranimit duhet të jetë unanim nga vendet anëtare.
Finlanda, e cila aplikoi së bashku me Suedinë, u pranua si anëtare e alenancës në muajin prill të këtij viti.
“Presidenti Biden dhe kryeministri Kristersson do të diskutojnë për bashkëpunimin në rritje në lidhje me sigurinë si dhe do të ritheksojnë qëndrimin se Suedia duhet t’i bashkohet NATO-s sa më shpejt të jetë e mundur”, tha zëdhënësja e Shtëpisë së Bardhë, Karine Jean-Pierre në një deklaratë javën e kaluar.
Sipas saj presidenti Biden dhe kryeministri Kristersson do të diskutojnë gjithashtu në lidhje me aktivitetin e Kinës, si dhe për ndryshimet klimatike apo teknologjitë e reja.
Turqia ka akuzuar Suedinë se është shumë e butë ndaj grupeve që Ankaraja i konsideron si organizata terroriste. Si pjesë e një marrëveshjeje të arritur midis Turqisë, Suedisë dhe Finlandës, Stokholmi ka miratuar një sërë reformash, duke përfshirë një ligj të ri kundër terrorizmit. Sekretari i Përgjithshëm i NATO-s, Jens Stoltenberg planifikon një takim mes tre vendeve të enjten./VOA
Lajme të tjera
-
Trump nënshkruan marrëveshje me Shtëpinë e Bardhë për të filluar zyrtarisht transferimin e pushtetit
27 Nëntor, 07:13 -
NATO konfirmon mbështetjen për Ukrainën pas sulmit rus me raketë balistike
26 Nëntor, 20:36 -
Nisja e kontingjentit EOD drejt Letonisë, Vengu: Jeni mburoja dhe forca e të gjithëve
26 Nëntor, 16:05 -
NATO dhe Ukraina takohen lidhur me raketën e re ruse
26 Nëntor, 08:23 -
Netanyahu: Po armëpushimit në Liban, nëse Hezbollah shkel marrëveshjen ne do e godasim! Biden: Hyn në fuqi nesër
26 Nëntor, 07:16 -
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29 -
Shef i NATO-s, Mark Rutte viziton sot Turqinë ku do takohet me Erdogan dhe Fidan! Nesër do të jetë në Athinë
25 Nëntor, 09:49 -
E ardhmja e NATO-s dhe qëndrimet e Trump
24 Nëntor, 17:30 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Protestat kundër Izraelit dhe NATO-s në Montreal, kryeministri Trudeau dënon dhunën
23 Nëntor, 22:08 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Shefi i NATO-s takohet me Trumpin në Florida
23 Nëntor, 12:35
