Mesfushori me tipare sulmuese i Real Madridit, Angel Di Maria ka refuzuar ofertën e parë të klubit madrilen për vazhdimin e bashkëpunimit. Di Maria u transferua në “Santiago Bernabeu” në edicionin e kaluar nga Benfika, dhe drejtuesit e klubit madrilen i kishin premtuar rritjen e pagës vjetore, por të cilën nuk e kanë realizuar ende.

Sipas radios “Cadena Cope”, Di Maria ka refuzuar ofertën e Realit në vlerë 3,5 milionë euro në edicion (aktualisht merr 1,8 milionë), pasi ai kërkon 5 milionë euro në edicion, po aq sa janë të gatshme t’i ofrojnë Çelsi dhe Mançester Siti.

Gjatë verës së kaluar portugezi haptazi ka kërkuar përmirësimet e kushteve financiare të kontratës, por deri më tani klubi nuk ka bërë asnjë hap në këtë drejtim.

Argjentinasi Di Maria aktualisht është duke vuajtur nga lëndimi, i cili e la jashtë fushës në tre muajt e fundit duke përfshirë ndeshjen në Champions ndaj Apoel Nicosia. Ai ka një kontratë me “klubin mbretëror” deri në vitin 2016.