Anglezi që flet shqip për ‘Minuta Zero’: Kombëtarja shqiptare është përmirësuar! Fituese e europianit Spanja ose Italia

Kombëtarja shqiptare është një ekip që është përmirësuar’, për anglezin Ian Willson, i cili prej disa vitesh jeton në Shqipëri dhe mëson të flas gjuhën shqipe.

Për “Minuta zero” me gazetarin Eljan Tanini teksa u pyet se kë do të mbështeste nëse do të zhvillohej një ndeshje mes Anglisë dhe Shqipërisë, ai u shpreh se do të mbështeste Anglinë.

Pretendente për të fituar kupën e Euro2024, ai mendon se do të jetë Spanja ose Italia.  

Intervista e plotë:

-Prej sa kohësh e njihni gjuhën shqipe?

Shumë vite, po nuk e kam praktikuar shumë, sepse shqiptarët duan të flasin anglisht me mua.

-Çfarë mendimi keni për kombëtaren shqiptare të futbollit?

Janë përmirësuar shumë. Janë ekip i mirë.

-Nëse luan Shqipëri- Angli, me kë do të bëni tifo ju?

Me Anglinë patjetër.

-Si e sheh Anglinë në këtë europian futbolli?

Shumë mirë. Janë ekip i mirë, është përmirësuar shumë.

-Si e parashikoni ndeshjen Angli- Slloveni ju?

Ne kemi fituar më para ndaj Sllovenisë 1 me zero dhe shpresojmë të fitojmë.

-Mendoni se Anglia është fituese e këtij europiani?

Spanja ose Italia, ndoshta Anglia.

-Çfarë po ndodh me futbollin në Angli, pse nuk janë atje ku duhet?

Ne kemi shumë futbollist ndërkombëtarë dhe standardi është i lartë.

-Keni që në vitin 1966 që nuk fitoni, si e mban mend futbollin në Angli?

Në 1970 me Brazilin, edhe me Italinë dhe Gjermaninë. Këto ishin ekipe të mira dhe ne ishim pak pa fat.

S.B/A.M/Shqiptarja.com

TAG:
• euro2024
• Kombetarja shqiptare
• anglezi flet shqip