Të tre shqiptarët që kishin rënë në prangat e policisë angleze, për trafik kokaine kanë marrë sot dënimin nga gjykata e Blackfriars Crown Court.
Bëhet fjalë për Ndrek Prenga, është dënuar me 8 vite e 6 muaj burg Nikolin Dushi është dënuar me 6 vite burg Elton Qajka do të vuaj 3 vite burg. Sipas policisë 3 shqiptarët ishin pjesë e një grupi të madh kriminal.
Ky grup kriminal operonte në Londër dhe Juglindje të Anglisë.
Një shitës droge u hodh në një rezervuar dhe u përpoq të shpërndajë kokainën që kishte, pasi e kuptoi se ishte nën vëzhgim.
Kerry Reed, 39 vjeç, nga Shepperton, Londër, u hodh në rezervuar por doli në tokë nga ana tjetër ku ishin duke e pritur oficerët nga Agjencia Kombëtare e Krimit dhe Shërbimi Policor Metropolitan i Krimit të Organizuar.
Reed ishte takuar më parë me bashkëpunëtorët, të cilët janë 3 shqiptarët:
Ndrek Prenga, 33 vjeç, banues në Ashford, Surrey
Elton Qajka, 21 vjeç, banues në Islington
Nikolin Dushi, 30 vjeç, nga Barnet, i cili i dorëzoi Reed një qese kafe gjatë takimit në shtëpinë e Prengës.
Prenga, Dushi dhe Qajka, të cilët janë shtetas shqiptarë, u arrestuan në të njëjtën ditë.
Zyrtarët kontrolluan shtëpitë e tyre dhe gjetën shumë telefona celularë, tufa parashë, dokumente identiteti të rreme dhe paketim të gatshëm për t’u shpërndarë.
Të katër ata u akuzuan për komplot në furnizimin me drogë të klasit A. Reed dhe Prenga kanë akuza edhe për posedimin e pasurisë kriminale.
Gjykata dha dënimin përkatës për të arrestuarit dhe Reed u dënua për tetë vite. Ndrek Prenga për tetë vite e gjysmë, Dushi për gjashtë dhe Qajka për tre vite.
Martin Groves nga Partneriteti i Krimit të Organizuar tha se të arrestuarit janë pjesë e një grupi më të gjerë të krimit të organizuar që shpërndan kokainë në Londër.
“Ne besojmë se Reed, Prenga, Dushi dhe Qajka janë pjesë e një grupi më të gjerë të krimit të organizuar që shpërndan kokainë me shumicë në një shkallë tregtare në të gjithë Londrën dhe Juglindjen e Anglisë. Ata ishin të punësuar në role të besueshme që përfshinin transportimin e drogës dhe parave të gatshme dhe mbikqyrnin shpërndarjen duke drejtuar aktivitetin e paligjshëm.”
Redaksia Online
Xh.F /Shqiptarja.com
Lajme të tjera
-
Rrëmbimi dhe zhdukja e Jan Prengës, i vëllai dëshmon në GJKKO: Gentiani dhe Gramozi me telefonuan në burg, më thanë ‘na jep atë gjënë’!
18 Tetor, 12:25 -
Përgjimet nga burgu në burg Rexhepi-Prenga: Më ktheni kokainën, jam më i dëmtuari! Me një rrëmbyes nuk fola dot 's'i ka dalë akoma malli'
19 Shkurt 2020, 11:50
