POP 5

Lajmet më të lexuara të 5 minutave të fundit

Bota

Anija shpëton jetën e 66 emigrantëve, Italia nuk i lejon ankorimin në port

Një anije me 66 emigrantë të shpëtuar në bordin e saj, është ndalur të ankorojë në portet italiane për shkak të politikave të reja të vendosura nga ministria e Brendshme.
Anija shpëton jetën e 66 emigrantëve, Italia nuk i lejon ankorimin në port

Anija italiane me emigrantët në bord

Anija tregtare “Vos Thalassa” me 66 emigrantë të shpëtuar në bord nuk u lejua që të ankoronte në portet italiane pas një urdhri të dhënë nga ministria e Brendshme.

“Vos Thalassa” është një varkë private italiane, e cila i përket kompanisë franceze e naftës dhe gazit “Total”. Për shkak se zakonisht varka e kalon kohën e saj më të madhe duke patrulluar në Mesdhe, ajo ka qenë e përfshirë në shpëtimin e emigrantëve të tjerë më parë.

Por kjo është hera e parë, që një anije ndalohet që të hyjë në portet italiane për shkak të politikës ndaj emigrantëve.

Muajin e kaluar, ministri i ri i Punëve të Brendshme të Italisë, Matteo Salvini ka kërkuar ndalimin e ankorimit në porte të anijeve humanitare me emigrantë, duke i akuzuar ato se shërbejnë si taksi për refugjatët dhe nxisin trafikun e njerëzve.

Sa i përket ngjarjes, burime qeveritare thanë për agjencitë Rai News dhe Ansa se ndërhyrja e anijes ishte e panevojshme pasi Rojet bregdetare libiane ishin afër.

66 emigrantët e shpëtuar u transferuan në një anije të Gardës Bregdetare Italiane, ndërsa Vos Thalassa vazhdon ende të mbetet në Mesdhe. Ndërsa incidenti ka shkaktuar mjaft debat, me kritikët e qeverisë së re italiane që thonë se ligji detar detyron çdo anije që të shkojë në ndihmë të atyre që po mbyten, e jo të pyesë më parë nëse bëhet fjalë për emigrantë të jashtëligjshëm apo njerëz me dokumente të rregullta.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

3 Janar, 22:53