Anila Hanxhari, italisht
mbi dashurinë
Mbi librin e fundit të poetes shqiptare “Dashuri rrezaton”. Poetja Hanxhari: Shpresoj të botoj shqip…
“Dashuri rrezaton” është libri më i fundit me të cilin poetja shqiptare Anila Hanxhari i prezantohet lexuesit italian. Vëllimi që mban nëntitullin “Dialog në vargje mbi dashurinë”, botim i “Meta Edizioni”, u prezantua pak javë më parë në kuadër të FLA “Festivali i librit dhe gjërave të tjera” në Pescara. Pasi ka eksploruar një serë temash, sjellë gjithnjë në vargje të mbushur me simbolika, Hanxhari sfidon vetveten dhe artin e saj poetik në një lëmë në dukje nga më të thjeshtët.
“Kur vendosa të shkruaja poezi mbi dashurinë, dëgjoja të ma thoshin se do të ishte e lehtë, në fakt është krejt e kundërta”, thotë Anila. Poezitë e saj, përfshirë dhe vëllimin më të fundit janë impenjative. Poezi ku nuk duhen lexuar thjesht vargjet, por duhet “kërkuar” mes vargjeve. Pikërisht këtë dimension thekson në parathënien e librit kritiku dhe poeti i njohur italian Davide Rondoni. I pranishëm në cerimoninë e promovimit, Rondoni u shpreh se “është përgjegjësi e madhe të shkruash poezi dashurie në italisht, duke ditur që italishtja është gjuha e poezisë së dashurisë. Janë të shumtë ata që kanë lënë gjurmë, ndaj nuk mund të kesh një qasje fëminore. Nuk mund të publikosh një libër me poezi në Itali pa pranuar që poezia e dashurisë nuk është vetëm poezi e ndjenjave, por e njohjes(diturisë).
Anila ka marrë përsipër të shkruajë për dashurinë si njohje dhe një nga elementët më të rëndësishëm të poezisë së saj është fakti që na vë në krizë konceptin që ne kemi mbi njohjen, mbi artin, mbi karakterin njerëzor që e karakterizon deri në palcë moskuptimi”. Anila Hanxhari shkruan italisht, dhe jo rastësisht është pjesë e antologjisë “Poezia e re italiane”, botuar nga Mondadori. “Anila Hanxhari nuk është poeteshë e vështirë. Kush mendon që ajo është e pakuptueshme(e paqartë,e errët)nuk kupton asgjë nga poezia. Është profetike”, thekson Rondoni. Gjatë promovimit të vëllimit, në një minilaborator krijues, një nga poezitë u interpretua italisht, shqip dhe në spanjisht.
“Një nga dëshirat e mia më të mëdha është publikimi i një libri me poezi në gjuhën shqipe”, thotë Hanxhari, e cila pati përkthyer disa nga poezitë e saj për të marrë pjesë në çmimin letrar “Pjetër Bogdani” në Prishtinë. Anila Hanxhari ka lindur në Durrës më 1974. Jeton në Lançiano, Itali. Është poete, piktore, përkthyese, presidente e shoqates “Italfida”. Ka publikuar përmledhjet poetike “Unë ti dhe shpirti” (Ianieri 1997), “Bari i fishkur i lindjes” (Noubs 2002), “Shenja uji” (Noubs 2007), “Dollia e engjëjve”(La Vita Felice 2012), “Liria e hedhur në short” (Tabula Fati Solfanelli). Ka marrë një seri çmimesh për poezinë e saj.
d.c./shqiptarja.com
Sondazhi i ditës:
Si po përballohet situata e krijuar nga zjarret në vend?
-
Mirë
43.3%
-
Keq
40.3%
-
Nuk e di
16.4%
Vota total: 2794
Votat totale janë unike
Lajme të tjera
-
Paris 2024/ Dudaev fiton medaljen e dytë për Shqipërinë, Rama: Kush s’di të gëzohet, t’ia njohim meritën e hudhrës që na mban larg syrin e keq! Begaj: Faleminderit kampion
11 Gusht, 12:57
-
Dy mjete shpërthejnë në flakë në Bypass-in e Vlorës, shpëtojnë drejtuesit dhe pasagjerët
11 Gusht, 12:43
-
Paris 2024/ Edi Rama: Medalja e parë olimpike dhe miza nën kësulën politike
11 Gusht, 12:25
-
Paris 2024/ Dudaev rishkruan historinë e Shqipërisë, i siguron medaljen e dytë të bronztë në Lojërat Olimpike
11 Gusht, 12:15
-
Letër gruas që do të dashurohet me burrin tim
11 Gusht, 12:06
-
U hodh për t’u larë në lumin Buna, mjeku i QSUT dëmtime në kokë, u përplas me gurët! Kolegët mesazh: Shërim të shpejtë
11 Gusht, 12:04
-
Eduard Zaloshnja: Gjatë ditës në Pogradec, gjatë darkës në 'Dublin'
11 Gusht, 11:59
-
Dy aksidente me vdekje në Fier e Koplik, mjetet përplasin drejtuesit e motorëve
11 Gusht, 11:39
-
Paris 2024/ Veliaj për Report Tv: Për 3 mundësit do japim apartament! Krenar për sportistët e natyralizuar, po shkëlqejnë për flamurin kuqezi
11 Gusht, 11:24
-
Polici maqedonas që 'vërshoi' tregun e Kosovës me para false
11 Gusht, 11:15
-
U plagos nga shpërthimi i autobotit me naftë te 'Gega Oil' në aksin Tiranë-Durrës, ndërron jetë pas 2 ditësh punonjësi 35-vjeçar
11 Gusht, 10:53
-
Vrau shokun në azilin në Tiranë, historiani Zyhdi Shehi do shtrohet në spital psikiatrik! Arrest shtëpie për dy infermieret: S'e dinim që ishte vrasje
11 Gusht, 10:38