POP 5

Lajmet më të lexuara të 5 minutave të fundit

Ekonomi

Anketa/ Ankohen bizneset gjermane në Shqipëri: S’ka punonjës të kualifikuar, rritja e pagave sfidë për sipërmarrjet

Mungesa e punonjësve, rritja e pagave, zhvlerësimi i valutave dhe pasiguria ligjore janë problemet kryesore që po dëmtojnë bizneset gjermane. Në një anketë të zhvilluar nga Shoqata Gjermane e industrisë thuhet se 50% e probleme të bizneseve lidhen me tregun e punës.

Koha kur kompanitë e huaja vinin në Shqipëri, pasi kishin avantazh krahun e lirë të punës, ka mbaruar! Rritja e kostove të punës, pagat, dhe mungesa e të kualifikuarve janë dy problemet e mëdha me të cilat po përballen sipërmarrjet gjermane.

“Edhe pse ekonomia është në përmirësim, krahu i punës dhe kostot e saj kanë ndikim negative”, tha presidentja e shoqatës DIHA.

Në një anketim të kryer nga Shoqata Gjermane e Industrisë dhe Tregtisë, rezulton se afro pengesa më e madhe me afro 50% është mungesa e punonjësve dhe kostot e punës. Më pas është kursi i këmbimit dhe situata ekonomike.

Edhe pse situata ekonomike thonë bizneset gjermane është përmirësuar, të ardhurat e tyre do të përkeqësohen këtë vit.

“38% e kompanive thonë se situata ekonomike është e kënaqshme, 38% mendojnë keq  dhe 24% thonë mirë”, tha  drejtori ekzekutiv i DIHA Bledar Mankollari.

I pranishëm në prezantimin e anketës Ambasadori gjerman në Shqipëri Karl Bergner u shpreh se Shqipëria ndodhet në ditë të mira por duhet rritur klima e biznesit.

“Për ne është e qartë, sipërmarrja dhe investimeve, mund të jenë të begatshme atje ku ka çmime të volitshme, siguri ligjore, administratë profesionale. Ne mbështesim Shqipërinë në luftën kundër korrupsionit”, tha Bregner.  

“Pavarësisht konflikteve rajonale, vendi të përqendrohet në objektivin kryesor integrimin në BE”, u shpreh Presidentja e DIHA Stephanie Siege Farka.

Kompanitë janë shprehur optimiste për infrastrukturën, negociatat e arsimin, ndërkohë që faktorë negativ në biznesin e tyre përveç punonjësve është mungesa e transparencës në tendera, korrupsioni, ndryshimet e shpeshta të politikave ekonomike dhe siguria ligjore.

B.K/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Or tej: 13/05/2024 19:45

    I dashkan edhe te kualifikuar or teeeejjjjj

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33