Sekretari amerikan i Shtetit Antony Blinken fillon sot një vizitë në Lindjen e Mesme, që do të përfshijë Izraelin dhe disa shtete arabe. Vizita e Sekretarit Blinken, e njëmbëdhjeta në rajon që nga fillimi i luftës në Gazë, vjen ndërkohë që Shtetet e Bashkuara po hetojnë rrjedhjen e dokumenteve rreth planeve të Izraelit për një sulm hakmarrës ndaj Iranit, si dhe pas vrasjes së udhëheqësit të Hamasit Jahja Sinuar, që zyrtarët amerikanë shpresojnë do të krijojë një moment të ri për një marrëveshje armëpushimi në Gazë. Ushtria izraelite goditi sot institucionin kryesor financiar të Hezbollahut në Liban, ndërsa grupi militant vazhdoi sulmet me raketa në pjesën veriore të Izraelit.
Sekretari amerikan i Shtetit Antony Blinken fillon të hënën një vizitë një javore në Lindjen e Mesme në përpjekje për të ringjallur procesin e negociatave për arritjen e armëpushimit në Gazë dhe për të siguruar lirimin e pengjeve që ende po mbahen nga Hamasi në një kohë kur Izraeli po planifikon një sulm hakmarrës ndaj Iranit.
Sekretari Blinken do të vizitojë rajonin ndërkohë që Shtetet e Bashkuara po hetojnë publikimin e paautorizuar të dokumenteve të klasifikuara që vlerësojnë planet e Izraelit për të sulmuar Iranin. Dokumentet, që besohet se i takojnë Agjencisë Kombëtare të Zbulimit Gjeohapësinor dhe Agjencisë Kombëtare të Sigurisë, tregojnë se Izraeli ende po përgatit pajisjet e veta ushtarake për një sulm ndaj Iranit. Këto dokumente të klasifikuara ‘tepër sekrete’ u postuan fillimisht në platformën ‘Telegram’. Hetimet synojnë të zbulojnë se kush kishte qasje në këto dokumente dhe si u realizua një gjë e tillë, sipas zyrtarëve amerikanë.
Sipas zëdhënësit të Departamentit amerikan të Shtetit Matthew Miller, Sekretari Blinken do të diskutojë gjatë vizitës së tij planet për periudhën pas konfliktit dhe të theksojë nevojën “për gjetjen e një zgjidhjeje që u mundëson palestinezëve të rindërtojnë jetën e tyre dhe të realizojnë aspiratat e tyre të lirë nga tirania e Hamasit”, siç tha ai.
Gjatë takimeve në rajon, Sekretari Blinken pritet të kërkojë rritjen urgjente të ndihmës humanitare në Gazë, pas paralajmërimeve të javës së kaluar se administrata e Presidentit Biden do të detyrohet të kufizojë ndihmat ushtarake për Izraelin nëse vazhdon të pengojë futjen e ndihmës humanitare në Gazë.
Zyrtarët amerikanë shpresojnë që vrasja e udhëheqësit të Hamasit Jahja Sinuar të krijojë një mundësi të re për armëpushim në Gazë, që mund të ndikojë edhe tek përpjekjet për të frenuar zgjerimin e konfliktit në Liban.
Sekretari Blinken po ashtu do të theksojë rëndësinë e arritjes së një zgjidhjeje diplomatike të konfliktit të përshkallëzuar ndërmjet Izraelit dhe Hezbollahut në Liban.
Të hënën në Bejrut shkoi edhe Këshilltari i lartë i Presidentit Biden, Amos Hochstein, i cili bëri thirrje për një mekanizëm të ri të zgjidhjes së konfliktit, duke thënë se rezolutat e Kombeve të Bashkuara që i dhanë fund luftës së Izraelit dhe Hezbollahut në Liban, janë të pamjaftueshme në kushtet aktuale.
“Rezoluta 1701 arriti t’i japë fund luftës së vitit 2006. Por duhet të jemi të sinqertë se askush nuk bëri asgjë për ta zbatuar atë. Moszbatimi i saj ndër vite kontribuoi që sot të kemi këtë konflikt që kemi. Nuk mjafton që dyja palët të jenë të përkushtuara ndaj kësaj rezolute,” deklaroi ai.
Gjatë natës, shpërthime të fuqishme ndodhën në afërsi të aeroportit ndërkombëtar të Bejruti. Qindra banorë të kryeqytetit libanez u larguan nga shtëpitë e tyre ndërkohë që Izraeli goditi dhjetëra degë të një institucioni financiar të Hezbollahut në Bejrut dhe pjesë të tjera të Libanit dhe Hezbollahu vazhdoi sulmet me raketa në pjesën veriore të Izraelit./VOA
Komente
Lajme të tjera
-
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Lufta/ Bombardimet në Liban, një tjetër sulm ndaj forcave paqeruajtëse të UNIFIL, raportohet për 4 ushtarë të plagosur në bazën italiane! Reagojnë Meloni e Borrell
22 Nëntor, 16:28 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
GJNP urdhër-arrest ndaj Netanjahut dhe ish-ministrit të Mbrojtjes Gallant! Çfarë do të thotë kjo dhe çfarë pasojash mund të ketë ndaj Izraelit?
22 Nëntor, 09:39 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28 -
Netanyahu reagon për mandat arrestin: Vendim atisemitik! Ai mund të arrestohet në 124 shtete të botës, përfshirë Shqipërinë
21 Nëntor, 17:34
-
Lufta/ Dhjetëra të vrarë nga bombardimet izraelite në veri të Gazës! Senati amerikan i jep dritën jeshile shitjes së tankeve Izraelit
21 Nëntor, 07:17 -
Lufta/ Izraeli bombardon nga ajri në Siri dhe Gaza, 43 të vrarë dhe mbi 50 të plagosur!
20 Nëntor, 21:15 -
Lideri i Hezbollah: Do të godasim qendrën e Tel Avivit
20 Nëntor, 16:31 -
Provokimi i Netanyahut në plazhin e Gazës: Hamasi s’do qeverisë më kurrë në Rrip, japim 5 mln dollarë për çdo peng të liruar
20 Nëntor, 08:22 -
Netanyahu viziton Rripin e Gazës: Hamasi nuk do të qeverisë më këtu! Baza italiane e UNIFIL në Liban goditet me 8 raketa! Argjentina tërheq trupat e saj
19 Nëntor, 16:38
Blinken nuk po shkon per te vendosur paqen por kerkojne si te sulmojne Iranin medoemos dhe problemin ata e kane te rrjedhja e informacioneve qe do te sulmonin dhe jo kasapana qe po bejne cifutet ne lindjen e mesme . Te gjitha perandorite kur jane afer fundit vetem luftera bejne keshtu qe dhe keta maskarenj jane drejt fundit
PërgjigjuPasi thone se eshte vrare Jahja; do te jete me lehte per paqe. Une them, Jo! Keshtu pra duhet te gjykojme pak me mire. Nje per nje.... edhe Natanjahi duhet vrare, sepse ai eshte penguesi me i madh ne te gjitha hohrat.... Bani si thome une; do te shpetojne te gjithe. Rrofte Paqa!!!!