Antropologu dhe historiani
çek që dashuron Shqipërinë

TIRANË - Një takim i rastësishëm bëri që të njihem me studiuesin nga Çekia, Přemysl Vinš. Pasi u prezantuam, mjaftuan pak fjalë që të habitesha nga shqipja e tij e pastër dhe e saktë, ku dallohej përzierja me theksin e gjuhës çeke. Mësova se, që fëmijë, Přemysl Vinš u apasionua pas Shqipërisë, të cilës, ndonëse shumë i ri, do t’i kushtonte pjesën më të madhe të jetës dhe punës së vet.

Kureshtja për të mësuar më tepër rreth këtij pasioni ishte shtysa që më bëri t’i kërkoja një intervistë. Çfarë e lidh Přemysl Vinš me Shqipërinë? Si i duket gjuha shqipe? Përse po shkruan një libër për Shqipërinë? Ç’mendon për natyrën tonë, për fenë, për komunizmin, për Kadarenë? Ai pranoi me shumë qytetari të përgjigjet për këto tema, të cilat sot i sjellim për lexuesin.