POP 5

Lajmet më të lexuara të 5 minutave të fundit

Bota

Anulohen mbi 700 fluturime në Gjermani, shkak reshjet e dendura të borës

Rreth 760 fluturime u anuluan në aeroportin e Mynihut të shtunën për shkak të reshjeve të mëdha të borës, tha një zëdhënës i aeroportit për CNN. Autobusët, tramvajet dhe disa shërbime të trenave në Mynih u pezulluan gjithashtu për shkak të borës, sipas kompanisë së transportit publik të Mynihut

Rreth 760 fluturime u anuluan në aeroportin e Mynihut të shtunën për shkak të reshjeve të mëdha të borës, tha një zëdhënës i aeroportit për CNN. Autobusët, tramvajet dhe disa shërbime të trenave në Mynih u pezulluan gjithashtu për shkak të borës, sipas kompanisë së transportit publik të Mynihut.

Stacioni qendror i trenit i Mynihut u mbyll për mbërritjet e linjave ajrore, ndërsa shërbimet në distanca të gjata janë pezulluar tërësisht, sipas kompanisë hekurudhore kombëtare gjermane. Deutsche Bahn paralajmëroi se trafiku hekurudhor do të “ndikohet rëndë” deri të hënën.

Süddeutsche Zeitung rajonale e Gjermanisë raportoi se një numër i madh udhëtarësh kanë mbetur të bllokuar në stacionin kryesor të Mynihut. “Unë jam ulur këtu në këtë vend që nga ora një e mëngjesit,” tha një pasagjer për gazetën, ndërsa një tjetër tha:

“Ne thjeshtë duam të dimë nëse ka ende një shans për të ikur nga këtu".

Policia të shtunën u kërkoi njerëzve në Mynih që të mos përdorin makinat e tyre nëse nuk është absolutisht e nevojshme, ndërsa banorëve të disa pjesëve të Bavarisë jugore iu tha që të mos largoheshin fare nga shtëpitë e tyre, tha një zëdhënës i policisë së Mynihut.

Një ndeshje futbolli midis Bayern Munich dhe Union Berlin, e cila ishte caktuar të zhvillohej të shtunën, gjithashtu u shty, me “rreziqet e sigurisë dhe situatën e trafikut” të pashmangshëm, sipas një deklarate të Bayern Munich.

Transmetuesi publik bavarez Bayerischer Rundfunk raportoi të shtunën se 44 centimetrat e dëborës në Mynih ishin reshjet më të mëdha të borës të regjistruara ndonjëherë në dhjetor në kryeqytetin e shtetit bavarez që nga fillimi i regjistrimeve në vitin 1933.

S.S/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54