Apeli i Metës, Rama: Shqetësohu për vizën që i ke vënë vetes, s'ka shans të rikthehen

Kryeministri Edi Rama ka reaguar pas apelit të kreut të shtetit, që bëri thirrje për marrjen e masave urgjente në mënyrë që të mos rrezikohet rikthimi i vizave për shqiptarët. Në postimin e tij në rrjetet sociale, Rama kishte një këshillë për Presidentin Meta duke i kërkuar që të shqetësohet për vizën që i ka vënë figurës së vetes.  

"Ilir Meta mos shqetësohet për rikthimin e vizave (vizat nuk ka asnjë shans të rikthehen) po të shqetësohet për vizën qe i ka vënë figurës së kreut të shtetit, duke u bërë pjesë e frontit politik kundër zgjedhjeve dhe kundër drejtësisë! Ky front kundër Shqipërisë do dështojë. Me turp!" shkruan kryeministri Edi Rama.

Presidenti i Republikës, Ilir Meta reagoi sot pa deklaratës së djeshme të komisarit të BE-së për Migrimin, Dimitris Avramopulos, se Bashkimi Europian do të marrë masa nëse do të rriten hyrjet legale për azil në vendet e unionit (lexo këtu).

TAG:
• edi rama
• Ilir Meta
• holanda per vizat