POP 5

Lajmet më të lexuara të 5 minutave të fundit

Politikë

Apeli i Nishanit: Përballoni sfidën e
Drejtësisë, Volfart: Besoj do ja dilni

Presidenti i Republikës, Bujar Nishani i ka bërë apel sot aktorëve të sistemit të drejtësisë të përballojnë sfidën e drejtësisë, si tepër të rëndësishme jo vetëm për ta, por për të gjithë shoqërinë.
TIRANE - Presidenti i Republikës, Bujar Nishani i ka bërë apel sot aktorëve të sistemit të drejtësisë të përballojnë sfidën e drejtësisë, si tepër të rëndësishme jo vetëm për ta, por për të gjithë shoqërinë. Këtë mesazh presidenti e përcolli gjatë ceremonisë së përvjetorit të 15-të të shkollës së Magjistraturës dhe emërimit të magjistratëve të rinjë.

Në cilësinë e Kryetarit të Këshillit të Lartë të Drejtësisë, Nishani nënvizoi se “gjatë gjithë mandatit të tij në KLD do të këmbëngulë, që procedurat e motivimit, të mbështetjes dhe realizimit të karrierës së gjyqtarëve të mbështeten vetëm dhe vetëm mbi procese të standardizuara.”

Sipas Nishanit, drejtësia është shërbimi kryesor që i bëhet një shoqërie, sepse vetëm mbi bazën e funksionimit të shtetit të së drejtës ekziston garancia për funksionimin normal të çdo institucioni tjetër.

Të pranishëm në këtë event kanë qenë ambasadori i Shteteve të Bashkuara të Amerikës Aleksandër Arvizu, ambasadori i Bashkimit Evropian Ettore Sequi , ambasadori i Prezencës së OSBE-së Eugent Volfart, prokurorja e Përgjithshme Ina Rama, ministri i Drejtësisë si dhe kryetarja e Gjykatës së Lartë Shpresa Beçaj.

Në fjalën e tij Eugen Volfart ka shprehur besimin se puna e magjistratëve të rinj do të jetë kontribut i rëndësishëm për drejtësisnë.

“Unë kam besim plotë se ju do të ndikoni në respektimin e të drejtave të njeriut dhe në dhënien e drejtësisë së merituar për cdo qytetarë. Ndaj ju përgëzoj dhe ju uroj suksese në rrugën tuaj të karrierës.”, tha Volfart.

Gjatë kësaj ceremonie patën mundësi që të dekretohen katër prokurorë, të cilët janë emëruar më parë ndërsa tetë prej magjistratëve të cilët i përkasin gjyqësorit do të duhen të presin derisa emërimi i tyre të kalojë në Këshillin e Lartë të Drejtësisë e më pas të dekretohen nga presidenti i Republikës.

(Gre.M/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Lulzim Basha i bashkohet lutjeve për Kryepeshkopin Anastas Janullatos

Lulzim Basha i bashkohet lutjeve për Kryepeshkopin Anastas Janullatos

10 Janar, 21:11