Apeli nga Milano i mjekut për shqiptarët: Rrini brenda e merrni frymë vetë ose dilni dhe përfundoni në spital me tub në gojë

Në frontin e parë të luftës me koronaviursin në Itali është edhe një mjek shqiptar, Albert Troci. Nga Milano në një lidhje me Skype me gazetarin në edicionin qendror të lajmeve në Report Tv, doktori teksa rrëfen gjendjen në vendin fqinj ka edhe një ape të drejtpërdrejtë për shqiptarët.

"Mesazhi është që është më mirë të rrish në shtëpi dhe të marësh frymë me gojën dhe hundën tënde sesa të dalësh jashtë dhe të gjendesh në një spital me një tub në gojë. Kjo është imazhi më drastik që mund ti përcjellësh një personi. Është shumë e lehtë, por për disa është e vështirë se jo të gjithë kanë mundësi. Tani sikur dihet Lombardia po merr masa më të ashpra, pasi ka njerëz që dalin dhe bëjnë vrap.

Piku në Itali nuk ka arritur akoma, pasi ajo që shikojmë është cfarë ka ndodhur 10 ditë më parë. Në spitalin tim po bëhemi gati për betejën e Milanos. Nga e diela mendohet se mund të jetë piku, por nuk ka probabilitet të lartë.

I keni shërbyer ndonjë pacienti shqiptar? Fatmirësisht deri tani nuk kam pasur, kjo nuk do të thotë se nuk ka. Në spitalin ku punoj nuk ka. Po mundohemi për ndihmën e pacientëve në territor. Pacientët që janë të shtruar nuk është se janë ato vetëm me moshë të lartë, por edhe të rinjtë. Urdhri është që të rrini në shtëpi.  Lombardia ka kërkuar ndihmë, pasi vendet po mbarojnë. Situata është e vështirë, por shpresojmë që masat që janë marrë në ktë luftë, janë izolimi, karantinimi dhe distancimi social" tha ai.

Lajmi kryesor:

‘Ju lutem qëndron në shtëpi’, mjeku shqiptar në Itali: Koronavirus rrezikon dhe të rinjtë, mos e neglizhoni

TAG:
• koronavirusi ne shqiperi
• Albert Troci