NATO do të zhvillojë bisedime për anëtarësimin e Suedisë në aleancë përpara samitit të saj muajin e ardhshëm, me marrëveshjen e Turqisë, e cila e ka penguar këtë procedurë. Lajmin e dha vetë shefi i NATO-s, Jens Stoltenberg i cili tha se kishte folur me presidentin e Turqisë Rexhep Tajip Erdogan dhe se ky i fundit kishte rënë dakord për të pasur një takim të nivelit të lartë në Bruksel.
"Ky takim do të përfshijë ministrat e jashtëm, krerët e inteligjencës dhe këshilltarët e sigurisë kombëtare. Qëllimi është të bëhet përparim në përfundimin e pranimit të Suedisë në NATO," shtoi ai.
Stoltenberg foli me gazetarët në kryeqytetin lituanez Vilnius, i cili do të presë samitin e NATO-s të muajit të ardhshëm më 11-12 korrik.
Suedia ka qenë një "e ftuar" në NATO që nga qershori 2022, por aplikimi i saj për anëtarësim, që duhet të ratifikohet nga të 31 vendet anëtare, është bllokuar nga Turqia dhe Hungaria. Zyrtarët perëndimorë kanë shpresuar se Erdogan do të zbusë pozicionin e tij për çështjen e ngarkuar diplomatikisht pasi ai siguroi një tjetër mandat si president i Turqisë pas zgjedhjeve të mbajtura muajin e kaluar.
Vendet perëndimore, dhe Shtetet e Bashkuara në veçanti, kanë shtyrë Ankaranë të japë dritën jeshile, duke këmbëngulur se Suedia ka përmbushur kushtet e një marrëveshjeje të rënë dakord me Ankaranë vitin e kaluar. Kjo marrëveshje përfshin një angazhim për të goditur lëvizjet e opozitës kurde, si Partia e Punëtorëve të Kurdistanit PKK, e vendosur në listën e zezë nga Ankaraja e cila i konsideron ato grupe "terroriste".
Lajme të tjera
-
25 vjet Putin, nga miku në armik
25 Dhjetor, 12:41 -
Turqi/ Shpërthim në një fabrikë municionesh në provincën Balikesir, raportohet për 12 të vdekur dhe 3 të plagosur (VIDEO)
24 Dhjetor, 07:59 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
NATO trajnon trupat ushtarake ukrainase në Lituani dhe Poloni
22 Dhjetor, 21:59 -
Ministri i jashtëm turk takon kreun e HTS-së në Damask
22 Dhjetor, 16:23 -
Marrëveshja për emigrantët, Meloni mbledh nesër qeverinë: Më duket se Kasacioni na ka dhënë të drejtë
22 Dhjetor, 11:51 -
Turqi, helikopteri ambulancë përplaset me godinën e spitalit, 4 të vdekur (VIDEO)
22 Dhjetor, 10:30 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Bazë e re ushtarake e SHBA-së në Poloni! Sistemi i ri për mbrojtjen nga raketat përforcon krahun lindor të NATO-s
21 Dhjetor, 18:42 -
Trump do t’u kërkojë vendeve të NATO-s të rrisin shpenzimet për mbrojtjen në 5% të PBB-së
21 Dhjetor, 16:55 -
Dy senatorë amerikanë propozojnë sanksione ndaj Turqisë lidhur me veprimet në Siri
21 Dhjetor, 15:36 -
Përpjekjet e Turqisë për të fituar një rol më të madh ndërmjetës më 2025
18 Dhjetor, 19:43
